Trying hard daw magpatawa… HIRIT NG FANS: ALEX, CHRISTIAN KUNO, BASTOS NAMAN SA MAGULANG

Anj Cabilla / PAK ANG GANAP!

MAGKAIBANG-MAGKAIBA ang personality ng magkapatid na sina Alex at Toni Gonzaga-Soriano.

Kung ang nakababata ay may pagka-kalog at tak­lesa, mahinhin at ser­yoso naman ang pa­nga­nay ni Mommy Pinty (ina ng Gonzaga sisters).

Kaya, hindi naka­lampas kay Toni ang na­ging komento ni Alex sa isang campaign sortie sa Parañaque kung saan sinabi niyang “may pag­ka-madugas” ang mayor ng lungsod na si Mayor Edwin Olivarez.

Naging mainit na usapin ito sa social media dahil kumalat na diu­mano’y idineklara ng Parañaque na persona non grata ang sikat na aktres-vlogger.

Sa isang interview, sinabi ni Toni na natu­tunan na ni Alex ang kontrobersiyang kina­sangkutan.

Ani Toni, “She will move on from this. ‘Yung babaunin niya rito ‘yung lesson na natutu­nan niya… Si Alex, she’s taking everything one day at a time, and she’s maturing from every challenge na pinag­da­raanan niya.

“‘Yun siguro ang maganda rito, she knows when she falls down, and when she commits a mistake, she owns up to it, and she moves on and she learns.”

Samantala, halo naman ang naging ko­mento ng mga netizens sa naging pahayag ni Toni. May ilan pa nga na iniuugnay ito sa naging pagkatalo ng kanilang ama na si Bonoy na ku­mandidato namang mayor ng Taytay, Rizal.

May ilan pa ang na­aawa kay Toni dahil na­dadamay pa raw siya sa kontrobersiya ng kapa­tid.

Narito ang ilang ko­mento ng mga netizens:

“Kaya siguro natalo ang tatay n’yo sa pagka-mayor sa Taytay dahil mga ipokrita silang mag­kapatid… Bait-bai­tan ‘pag nakaharap sa camera lang.”

“Sobrang OA na rin kasi ng sister mo Toni, naku!”

“Kawawa si To­ni, nadamay lang naman siya sa ka­lokohan nitong Alex, eh. Hahaha.”

“Hangga’t hin­di natuturuan ng leksiyon ‘yan, hindi titigil ‘yan si Alex.”

“When trying too hard to be funny becomes annoying and irresponsible.”

“Christians sila pero grabe magsalita sa ma­gulang kahit biro. Ma­talas at matabas ang dila. Masyadong bastos na minsan. Diyan ka na lang sa YouTube!”

Mas dumami rin ang mga netizens na nag­kukumpara kay Alex sa ate niyang si Toni.

Sey ng isang netizen, “Si Toni, ok pa, eh, may talent naman at decent. Pero siya, mag-business na lang siya or mag-work. Hindi bagay mag-artista. Ang hangin pa.”

Hirit naman ng isa, “Hindi siya kasingtalino ni Toni magsalita o mag-host. Si Toni, napaka­intelihente mag-host. Si Alex, parang istam­bay lang sa kanto kung umas­ta at magsalita ay bastos.”