Sikat lang daw, wala namang nagagawa sa Senado… MADLANG PIPOL, WA' ELIBS PA RIN KAY LITO LAPID

Erlinda Rapadas / TEKA NGA

BAGAMA’T nagpasalamat si Lito Lapid sa mga taong bumoto at nagtiwala sa kanya sa nakaraang midterm election, it seems medyo na-offend siya sa mga bashers na nanlalait sa kanyang kakayahan at kapasidad na gampanan ang tungkulin ng isang senador.

Dati nang nanalo si Lito bilang senador. Matunog na matunog din noon ang kanyang pangalan at may appeal sa masa. Marami ang nag-abang sa kan­yang performance sa Senado. Hinintay at inabangan kung kaya niyang maki­pag­sa­bayan sa mga “antigo” at traditional politicians na kan­yang na­ka­sabayan.

Pero, mas pinili ni Lito Lapid ang ma­natili sa side court at hindi magpakitang-gilas sa mga kagana­pan sa Senado.

Ngayon, popular na popular uli ang action star dahil sa mahaba at marka­dong role niya sa Ang Pro­binsyano ni Coco Martin. Kila­lang-kilala na naman siya sa apat na sulok ng ‘Pinas. Napaka­laki ng na­kuha ni­yang boto at nasa ika-5 post siya sa Top 12 senators.

Balik-Senado na naman si Lito a.k.a. Leon Guerrero. Aaba­­ngan na naman ng lahat ang magiging per­formance niya sa Senado. Wala na­man siyang dapat na ika-insecure sa ibang senador.