Opisina ng simbahan ni-raid | PINOY NA PARI, WANTED

SINALAKAY ng mga awtoridad ang mga tanggapan ng Simbahan na sakop ng diocese sa Dallas, Texas.

Ito ay bahagi ng imbestigasyon sa umano’y pagkakasangkot ng mga opisyal ng Simbahan sa sexual abuse.

Ayon sa mga awtoridad, pinaghahanap ang isang Edmundo Paredes, Pinoy, na nahaharap sa reklamong pang-aabuso.

Bukod kay Paredes, may iba pang alegasyon ng sexual abuse ang iba pang mga suspek na opisyal ng Simbahan.

Dala ang search warrant, nagtungo ang Dallas Police sa headquarters ng diocese at hinalughog ang storage at opisina ng Simbahan.

Nabatid na kinasuhan ng sexual abuse si Paredes dahil sa pangmomolestiya nito sa isang bata at tatlong menor-de-edad.

Ilang dekada na itong nagsisilbi sa Simbaham sa Dallas ngunit, kamakailan ay bigla itong nawala at pinaniniwalaang nagtatago sa Pilipinas.

Tiniyak naman ni Dallas Bishop Edward Burns ang pakikipagtulu­ngan ng Simbahan sa mga awtoridad.