Lalo na ngayong talamak ang mga poser... 5 TRICKS PARA HINDI MA-HACK ONLINE

FACEBOOK, Twitter, Gmail, Instagram at iba pang social me­dia portal na sobrang kinahu­humalingan ng marami sa atin. ‘Yung tipong hindi kumpleto ang araw kapag hindi tayo nakabi­sita sa alinmang social media accounts. Hmmm…

Kasabay ng modernong panahon, nauuso na rin ang pagha-hack online ng mga taong walang magawa sa buhay. Napakarami nang nabibiktima nito, kaya dapat hindi lang tayo aware sa mga is­yung nakakalat sa online kundi maging ang sarili nating safety ay kailangan din nating bigyang-pansin. Narito ang ilang tips para maiwasang ma-hack online:

1. BE AWARE OF THE INFO YOU SHARE. Masyadong kumplikado ang social media, kaya hindi tayo dapat basta nagtitiwala. Maging conscious tayo sa mga impormasyon na ating isini-share tu­lad ng birth dates, graduation years, phone numbers at iba pang detalye tung­kol sa atin. Ang mga ito ang madalas ga­mitin ng mga hacker para madali silang maka-access sa account ng user.

2. PICK A STRONG PASSWORD. Sa mga malulupit na hacker, wala pang ten minutes ay kayang-kaya na nilang ma-hack ang isang account. Maging matalino tayo sa pagpili ng ating pass­word. Iwasan natin ang paggamit ng mga usual info tungkol sa atin, maaari tayong gumamit ng phrases o anu­mang tricky combination ng numbers at letters. Siyempre, make sure lang na hindi natin ito makalilimutan.

3. BACK-UP YOUR DATA. Ma­halaga ito, lalo na sa mga madalas mag-save ng files. Makatutulong kung pa­lagi tayong mayroong back-up files ng mga ina-upload at isini-save natin. Ma­raming libreng back-up system sa web­site tulad ng crashplan.com at drop­box.com. Kung mabiktima man tayo ng hacker, hindi basta mawawala ang ating mga email, photo, document at iba pa.

4. NEVER OPEN ATTACH­MENTS (UNLESS YOU’RE REAL­LY SURE). Isa sa mga rule na dapat nating tandaan, huwag basta mag-open ng attachments o file sa email. Sa ganitong pagkakataon madalas nabi­biktima ng hacking ang user. Sigura­duhing pamilyar sa atin o hindi kahina-hinala ang attachment bago natin ito buksan.

5. USE A VPN. Ang Virtual Private Network (VPN) ay isa sa mga pinaka­epektibong paraan para maging safe ang ating identity. Kapaki-pakinabang ito, lalo na sa mga suki ng public net­work o ‘yung madalas nakatambay sa coffee shop o library para makasagap ng libreng WiFi.

Sa totoo lang, private o public net­work man ang gamitin natin, wais ang paggamit ng VPN dahil sigura­dong may “extra security” tayo.

Technically, anumang maaaring i-connect sa internet ay malaki ang posi­bilidad na ito ay ma-hacked, pero kung matalino at responsable tayo, malabo tayong mabiktima.

Gets mo?