Kabaliwan sa lalaki, ibinulgar… BELA, BINREYK NA NG BF, INIHATID PA PAUWI

Len Ramos Llanes / ISKUP

KUWENTO ng mga kabali­wan sa pag-ibig ang topic ng GGV episode na napanood namin last Sunday night.

Tatlong beautiful ladies ang kakuwen­tuhan ni Vice Ganda — sina Bela Padilla, Arci Mu­ñoz at Yassi Pressman.

Tingnan mo nga ang mga naggagan­dahang artistang ito, naloloko rin pala sa pag-ibig.

When asked kung na-brokenhearted na ba sila, in cho­rus pa ang tatlo sa pagsagot ng, “Yes naman.”

Kuwento ni Arci, “Apat na taon kaming nagligawan. In-stalk ko siya. Nakita siya ng mom ko na may kaha­likan na iba. So, naghiwalay kami da­hil may iba siyang girl na na­gus­tuhan. Tapos, after one year, nagkita kami sa isang gig. Tu­wang-tuwa naman ako at sabi ko sa sarili ko, ‘Talagang kami na nga kasi pinun­tahan niya pa ako.’

“Tapos, one day, six in the morning, ayun, tumawag siya at bigla na lamang sinabing ‘I want a breakup.’ So, ‘yun na.”

Si Yassi Pressman, sabi niya, dala­wang taon daw silang magkaibigan ng guy. Tapos, naging sila.

She continued, “While we were on, sinasabi sa akin ng marami na may ibang girlfriend ‘yung boyfriend ko. Ayaw kong maniwala. Then, one time, I confronted her to find out the truth which really hurt me.”

Kay Bela ang napakasakit. Naki­pag-break daw sa kanya ang boyfriend niya. Gusto niya pa sanang tumawad. In the end, sabi nito, “Ako pa ang naghatid sa kanya pauwi. Wala kasi siyang dalang kotse.”

Arci and Yassi talked about how they really spent money on their boyfriends.

Sey ni Arci, “Pinapinturahan ko pa ang bahay niya. I bought a bed. Kasi ‘pag in love ka, gusto mo talaga, maging happy siya.”

At kay Yassi naman, “Ako’ng naghulog ng kotse niya.”

Would you believe that?

Share naman ni Vice, “Akala ko, kami na, only to find out na hindi pala kami. Masakit. In-assume ko na we were on, hindi naman pala!”