Bebot na bumagsak sa mga major subject

Dear Roma,

Ako si Ara, college stu­dent. Palaging sinasabi sa akin ng mga tao na ma­talino at magaling daw ako. ‘Yun ang tingin sa akin ng mga kaibigan, ma­gulang at mga guro ko. Sa tuwing may dumarating na bisita sina mama at papa, palagi nilang sina­sabing proud sila sa akin dahil matalino raw ako at iskolar. Hindi ko na alam ang gagawin ko at nako­konsensiya na ako dahil mula nang nabarkada ako, hindi na ako naka­pag­po­kus sa academics ko, na­gagalit sila sa tuwing hindi ako nakasasama sa mga lakad kaya napipi­litan akong sumama. Na­paka­hi­rap, hindi ko alam kung paano ko sa­sabihin o ipaa­alam kina mama at papa na bagsak ako sa mga ma­jor subject ko at kailangan ko itong ulitin lahat sa su­sunod na taon, ang ma­sak­­lap pa, eh, tanggal na ako sa scholar­ship. Alam kong malu­lungkot sila at masasaktan nang husto. Ano ang dapat kong ga­win? — Ara

Ara,

Ramdam namin ang iyong pagsisisi sa nangyari. Alam mo, iha, sa pag-aaral, normal na dumating sa punto ang makipagkaibigan at normal lang din ang ma­karanas na bumagsak. Ang maipapayo namin sa iyo, una, kausapin mo nang ma­hinahon ang iyong mga magulang. Mas makabubuti kung kayong tatlo lang muna ang mag-uusap-usap nang sa gayun ay walang ibang makasawsaw o maki­ga­tong. Asahan mo na ang posibilidad na magalit sila lalo na ang iyong nanay da­hil normal lang‘yan sa mga na­nay. Pero, kahit pa anong sabihin niyan sa iyo, una­wain mo lang at pakinggan. Ikaw ang nakagawa ng mali, kaya marapat lang na tanggapin mo ang conse­quen­ces. Pa­nga­lawa, sa usaping kaibi­gan, tulad ng una naming nabanggit, hin­di masama ang makipag­kaibigan, ngu­nit, dapat ay pi­liin mo rin ang iyong ka­ka­ibiganin. Kung sila ang humihila sa iyo palayo sa mga makuku­lay na panga­rap mo, huwag kang mag­pa­pahila, bagkus, sila ang hilahin mo papunta sa ka­nilang ikabubuti. Kaya mo ‘yan, iha! Malalagpasan mo rin ‘yan at masosolus­yunan. God bless you!