Amo na may hawak na green na palaka
Salaminin natin ang panaginip ni Alicia ng Alicia_ Carillo@facebook@facebook.com
Dear Professor,
Puwede bang malaman kung bakit ko napanaginipan ang amo ko na may hawak daw siyang green na malaking palaka? Nang magising ako ay hawak niya at nakatayo ako sa harap niya. Kinakausap pa niya ako tungkol sa palaka na nakapasok sa bahay nila.
Ano ang ibig sabihin nito?
Naghihintay,
Alicia
Sa iyo Alicia,
Minsan, mahirap paniwalaan ang kahulugan ng mga panaginip. Minsan, nakagugulat, minsan, nakatatakot at minsan ay nakapangangamba. Tulad mismo ng kahulugan ng iyong panaginip sa palaka na hawak ng amo mo na nagsasabing, ang karamdaman o sakit ay nasa bahay ng amo mo.
Kaya dahil ang iyong panaginip ay nagbababala, ang mga payo o puwede mong gawin ay ang mga sumusunod:
Kailangan mong maging malinis sa iyong sarili at sa mga gamit mo, lalo na sa mga personal mong gamit.
Kailangan ang silid-tulugan at maging ang unan, kumot at iba pa ay palaging malinis.
Maganda rin na maligo nang dalawang beses sa isang araw.
Ang mga kamay ng tao ay kadalasang instrumento sa pagkakaroon ng sakit, kaya dapat palaging malinis ang mga ito at mahigpit na inirerekomenda ang paggamit ng guwantes.
Ang mga paa ng tao ay kadalasan ding sanhi kung bakit nagkakasakit, kaya mas magandang palaging malinis ang mga ito, lalo na ang talampakan at ang bahagi sa pagitan ng mga daliri.
Maganda rin na ang mga kuko sa kamay at paa ay maiksi lang dahil kapag humahaba ito, posibleng pamugaran ng mga mikrobyo.
Maganda rin na palaging naka-facemask nang sa gayun ay makaiwas sa mga virus na makukuha sa hangin.
Ang isa pang inirerekomenda, pero pag-aralan mo munang mabuti bago sundin o gawin ay ang paghahanap ng bagong amo o tirahan.
Hanggang sa muli,
Professor Seigusmundo del Mundo
Comments