MANILA AT CALOOCAN IMPRESIBO SA CBA

MAS nagpakita ng husay ang Manila nang talunin ang Rizal, 109-91, at kunin ang ika-6 na pa­nalo sa pitong laban sa Com­munity Basketball Association (CBA) Pili­pinas Founders Cup na idinaos sa Thoa Wild Cen­ter gym sa Valenzuela.

Sa pamumuno ni Al­mel Orquina, ginamit ng Manila ang balanseng pag-atake sa score upang paka­pusin ang Rizal. Tumapos si Orquina ng 19 points, 4 assists at 3 rebounds para sa Sausage Kings na hindi natinag sa Chiefs tungo sa pagwawagi.

Dominante ang Sau­sage Kings kung saan ang limang players na sina Nitafan, Acibar, Mendoza, Tubera at Martinez ay pa­wang mga umiskor ng dobleng pigura. Perpekto rin ang laro ni Mark Yu sa bisa ng 8 puntos, 4 re­bounds at 5 assists.

Sa kabuuan, ang Sau­sage Kings ay 55 percent na lamang sa pagdomina ng laro kontra Chiefs mula sa simula hanggang mag­tapos.

Lagpak ang score ng Rizal sa 0-5. Impresibo rin ang laro ng Caloocan na binigo ang Quezon City, 133-114, maging ang Valenzuela na ipinahiya ang San Mateo, 81-62, sa isang pares na North Di­vision matches.

Nakapagbasket si Er­vin Palencia ng 26 points, habang si Darwin Lunor ay dumagdag ng double double 22 points at 14 rebounds para sa Hurri­cane Saints na umangat sa solong ikatlong puwesto hawak ang ikaapat na panalo at may dalawang talo.

Dumagdag din si Pa­lencia ng 9 assist at 2 steals para sa Caloocan. Si Clark Derige ay may 32 puntos at 15 rebounds para sa Q.C. na lagpak sa 1-6.

(MC)