'Di raw ma-take ang sinungaling na ex-BF… BARBIE KAY JM: SIGURO, KAHIT ONE PERCENT NAMAN, MINAHA

Beth Gelena / BULGARY FILES

GUEST si Barbie Imperial kamakailan sa Tonight with Boy Abunda. Siyempre pa, hindi ma­wala ang topic hinggil sa umano’y naging boyfriend niyang si JM de Guzman na nakapareha niya sa Araw Gabi.

Nang malaman ng aktres na si JM na ang kanilang pag-uusapan, gustung-gusto na raw mag-walkout ni Barbie, lalo pa at hindi lang pala si JM ang magiging isyu kundi tatlong lara­wan ng ex ni Barbie ang ipinakita ng host na si Boy Abunda.

Biniro niya ang King of Talk kung may nag-walkout na raw ba sa TWBA.

Binigyan kasi ng challenge si Barbie na “Kiss, Marry and Kill” at ipinakita ang picture nina Ryle Santia­go, Paul Salas at JM de Guzman at ipina-identify sa aktres kung sino sa tatlo ang kanyang “Kiss, Marry and Kill.”

Ani Barbie, “May tanong po ako. May nag-walkout na po ba dito? Kasi gusto ko po, parang ako ‘yung maging unang nag-walkout dito.”

Pero sinabi ni Kuya Boy na ipagpa­tuloy nila ang fun game.

Sagot ng Kapamilya actress, she would just “kill” all the three options.

Sinundan pa ito ng King of Talk ng tanong na, “You had a tweet saying ‘Once a liar, always a liar.’ So ang tanong, diretsa, ‘yun ba ay patungkol kay JM de Guzman? Oo o hindi?”

Mabilis ang sagot ni Barbie ng “Opo.”

Esplika ni Barbie, “Kasi po ‘yung ibang detalye lang, parang hindi ko lang siya na-take na parang siguro, kahit one percent na­man, minahal mo na­man ako, ‘di ba? Ba’t naman kailangang magsinungaling?”