Binatang problemado dahil sa nililigawan

Dear Roma,

Ako si Jeremy, 22 years old, nagtatrabaho sa Masbate. May nililigawan akong OJT sa kumpanya namin. Nu’ng time na si­nabi ko sa kanya ‘yung nararamdaman ko, sinabi niya sa akin na nasa mo­ving-on process pa lang siya, kaya sinabi ko sa kanya na willing akong maghintay. Hindi nagta­gal ay dumating ang pun­tong pumayag din siya na magpaligaw at kahit na nanliligaw pa lang ako ay nagkakaroon na kami ng iba’t ibang problema da­hil short-tempered ako at siya naman, eh, may mga bad side rin. Madalas ka­ming nagte-text at nagtsa-chat dati kung gising na siya, kung kumain na siya at kung papasok siya sa OJT at mahahaba ang mes­­sages ko sa kanya. Pero minsan, all caps ang messages ko kapag nagka­karoon kami ng tampu­han. Nu’ng nag-outing kami dati kasama ang mga tropa niya, ru’n siya sumasama, kaya paki­ram­dam ko ay nababale­wala niya ako kaya nag­karoon ulit kami ng tam­puhan. Dahil sa mga pag­tatalo namin, sinabihan niya ako na nanliligaw pa lang ako, pero ganu’n na ako umasta. Nasagot ko siya nu’n na madali lang akong makahahanap ng iba kung aayawan niya ako, pero nagkaayos din kami pagkatapos nu’n. After ng mga ilang araw, bigla na lang may nagbago at nako-confused na raw siya sa estado naming da­lawa. Sa totoo lang, nag­sisisi na ako at gusto ko nang magkaayos kaming dalawa. Ano ang dapat kong gawin? — Jeremy

Jeremy,

Una sa lahat, ‘tol, dapat hindi ka nakikipagtam­puhan sa kanya dahil nanli­ligaw ka pa lang. Lahat ng babae, matampuhin at silent treatment. Isa pa, dapat hindi ka nagse-send sa kanya ng all caps. Hindi magandang ipinakikita mo sa nililigawan mo na nagagalit o naiinis ka kaagad sa kanya. Hindi mo dapat ipinararamdam sa nililigawan mo na superior ka dahil pumayag siyang li­gawan mo siya. Hindi ka dapat nag-a-attitude kasi nanliligaw ka pa lang, ‘tol, mali ‘yun! Ngayon, kung ta­lagang gusto mo siya, bu­mawi ka at baguhin mo ang pag-uugali mo na hindi maganda. Good luck at God bless!