Babu sa pulitika… MAYOR BISTEK, MAGTATAYO NG SARILING FILMFEST

Nitz Miralles / BIDA

UMAASA ang entertainment press na itutuloy nina Quezon City Mayor Herbert Bautista, QC Councilor Hero Bautista at Harlene Bautista ang plano nila to put up a new film festival para mas makatulong pa sa local movie industry.

Mas matututukan ni Herbert ang itatayo nilang filmfest dahil magtatapos na ang termino niya bilang QC mayor.

Nai-share rin ni Harlene na baka gumawa ng pelikula si Herbert habang wala muna sa pulitika. May movie offer nga raw kay Bistek, hindi lang nito natanggap dahil nasa puwesto pa rin siya.

Si Hero, gumawa ng pelikulang Fusion kasama sina Daiana Meneses at Maria Ozawa. Tigil ang shooting dahil sa kampanya at itutuloy ito after elections.

Humingi ng suporta sa entertainment press sina Hero at Harlene para sa muling pagtakbong konsehal sa 4th District ng Kyusi ni Hero.