Ahas na kulay dilaw na nanunuklaw

Socrates Magnus

Salaminin natin ang panaginip ni Ge­nalyn ng Gen_Gena­lyn_Orongan@face-book.com

Dear Professor,

Nanaginip ako ng malaking ahas na ku­lay dilaw tulad ng na­kikita sa zoo.

Itinuro ko ito sa kuya ko para alagaan niya, pero sabi niya ay may alaga na siyang ahas.

Biglang naging pa­yat at kulay itim ‘yung ahas at saka tinuklaw sa likod ang kuya ko at bumagsak sa sahig.

Nabigla ako at hin­di makagalaw kaya ako naman ang tinuk­law sa tagiliran ng ahas, hinawakan ko sa ulo ang ahas at saka ibinato ko ito sa ma­layo.

Ano ang ibig sabi­hin nito, puwede ba akong makahingi ng orasyon para maging mapagbigay sa akin ang mga kapatid ko na mararamot?

Salamat!

Naghihintay,

Genalyn

Sa iyo Genalyn,

Narinig mo na ba, iha, ang kuwento tung­kol sa unang babae sa mundo na si Pandora? May na­kita siyang box na ma­ganda at dahil sa curio­sity ay binuksan niya ito.

Nang mabuksan ni Pandora ang box, la­king-gulat niya nang biglang naglabasan ang mga kung anu-anong pangit na bagay.

Tulad sa panaginip mo, maganda ang ma­laking ahas na kulay di­law tulad ng nakikita sa mga sikat na zoo.

Ang moral lesson ay nagsasabing, ang curio­sity ay kadalasang da­hilan ng mga karana­san na hindi maganda na sa huli ay pagsisisi ang napapala.

Ang ahas na dilaw na nakikita sa zoo ay hindi ahas sa Pilipinas, ito ay ahas mula sa ibang bansa.

Kaya ang sabi ng pa­naginip mo, huwag na hu­wag kang matutukso na makipag-chat sa mga foreigner nang sa gayun ay hindi pumangit ang iyong kapalaran.

Ito ay nagbababala na huwag kang makiki­pagrelasyon sa hindi mo kakilala o sa mga bagong kaibigan na hindi mo na­man lubusang nakikilala pa.

Pero, higit sa lahat, huwag kang tumulad sa mga nagmahal ng dahil lang sa guwapo o ma­ganda ang hitsura.

Totoo ang kasabihan na “beauty can de­ceive”, ito ang ilagay mo sa iyong isipan dahil ito ang pi­nakapayo ng iyong pa­naginip.

Hanggang sa muli,

Professor Seigusmundo del Mundo