Shoutout sa mga suki ng talak diyan... TOP 5 FAMOUS SERMON LINES NI MOMMY
ANG mga ina ang tinaguriang “ilaw ng tahanan”, pero minsan, sila rin ang “maingay sa tahanan”, charot! Ha-ha-ha! For sure, parte na ng buhay natin bilang anak ang masermunan. Agree? Kaya narito ang ilang linya na palaging sinasabi ni nanay:
1. “MATA ANG GAMITIN MO, HINDI BIBIG”. Madalas natin itong naririnig na sagot ni nanay kapag nagtatanong tayo kung nakita ba niya ang hinahanap natin. Agree? Gayundin, bakit kaya kapag sila ang naghahanap, nakikita nila, pero kapag tayo, halos hinalughog na natin ang buong bahay, eh, hindi natin makita? Ang ending tuloy, nasesermunan tayo with matching “mata ang gamitin mo, hindi bibig”.
2. “PAPUNTA KA PA LANG, PABALIK NA AKO”. ‘Yung tipong nagpapaalam ka para um-attend ng practice o groupings, pero imbes na “oo” o “hindi” ang marinig mo, eh, ito ang isinasagot sa iyo. Ha-ha-ha! Siguro, noong bata pa sila, magpapaalam silang pupunta sa school, pero gumagala pala sila. Ooops! Gayunman, upang hindi tayo paghinalaan ni mamshie, make sure na susundin natin ang mga bilin nila tuwing aalis tayo. Okie?
3. “PARA KAYONG MAY KATULONG”. For sure, ito ang hirit ni mamshie kapag hindi tayo nakapaglinis ng ating kuwarto o iniwan natin ang mga pinagkainan natin sa lamesa. Gayunman, para hindi ma-highblood si mamshie kapag nakita ang mga kalat natin, tulungan kaagad natin sila para ma-good vibes. Ganern!
4. “NU’NG MGA BATA KAMI…” Bagama’t, marami nang nagbago sa paglipas ng panahon, hindi nila naiiwasang ikumpara ang buhay nila noon sa buhay natin ngayon. ‘Yung tipong kapag hindi ka nakapasok sa school, eh, sasabihin niya, “nu’ng bata ako, kahit may sakit ako, pumapasok ako, nilalakad pa namin mula bahay hanggang school…”, ayun, hindi na natapos ang sermunan. Ha-ha-ha!
5. “HINDI AKO NAGTATAE NG PERA”. Kapag sinabi mong, “‘ma, may babayaran kami sa school”, wala siyang ibang sasabihin kundi “hay naku, hindi ako nagtatae ng pera”. Agree? Minsan talaga, kahit kailangan nating gumastos, sinusubukan niyang magtipid kaya nagiging mahigpit siya sa paglalabas o pagbibigay ng pera.
Madalas man tayong masermunan at aminin man natin o hindi, siguradong nami-miss natin ang mga linyang ito ni nanay kapag hindi tayo nakauuwi sa bahay.
Gayunman, hindi porke napagsasabihan o nasesermunan tayo ni mamshie, eh, hindi na nila tayo mahal. Minsan, ito ang paraan nila upang ipaintindi sa atin ang mga bagay-bagay.
Gets mo?
Comments