Malinaw ayon sa birthday... BABAENG NAKATAKDANG MAIKASAL SA BF KUNG BABABAAN ANG PRIDE

Maestro Honorio Ong

Dear Maestro,

Naisipan kong su­mangguni sa inyo upang itanong kung ano ang posibleng mangyari sa relasyon namin ng boy­friend ko?

Kung compatible ba kami at kapag kami na ang nagkatuluyan, ma­giging matagumpay at maligaya rin kaya ang ita­tayo naming pa­milya?

October 10, 1992 ang birthday ko at May 1, 1990 naman ang boy­friend ko.

Umaasa,

Marjorie ng Gulod, Calatagan, Batangas

Dear Marjorie,

Kapag ang dalawang strong number ay nag­sama, tulad ng birth date mong 10 o 1 (dahil ang 10 ay 1+0=1) at nagka­taong 1 din ang birthday ng boyfriend mo, ang tendency ay maaaring magkahiwalay din kayo sa bandang huli.

Nangyari ito dahil ang ibig sabihin ng “strong number” na tu­lad ninyo na kapwa nag­tataglay ng number 1 ay may pagka­mayabang o sa madaling salita ay ma-ego, ma-pride, ma­hilig makipag­talo, pero hindi nagpa­paraya. Ibig sabihin, ang gusto niya ay palagi si­yang panalo.

Dahil ang birth date na 10 at 1 na siyang birth date ninyo ng boy­friend mo ay strong num­ber, kayo ay maya­bang at ma-pride.

Dahil dito, kumbaga sa usapang kanto, mag­papataasan kayo ng ihi hanggang sa wala sa ka­nila ang magpatalo at kapag nagdedebate o nagkaroon sila ng dis­kusyon sa maliit na ba­gay lamang, palalakihin nila ito nang palalakihin hanggang sa tuluyang lumala ang kanilang de­bate na mauuwi na sa pag-aaway at tampuhan.

At dahil walang nag­papatalo, magiging “pat­­tern na” ng pagsasama nila ang ganu’ng sit­was­yon. Kumbaga, pa­lagi silang nagpapa­ga­lingan hanggang sa ban­dang huli, dahil hindi nila matiis ang isa’t isa, sa pa­giging “strong per­sonality” nilang da­lawa, sa bandang huli, ma­la­mang na magkakahi­walay din sila.

Palagi silang nagpa­pagalingan at walang nag­papatalo, kaya sa ban­dang huli, ang kani­lang relasyon ang talo da­hil maaaring sa paghi­hiwa­lay sila mauwi.

Sinasabi namin ang mga bagay na ‘yan, hin­di para paghiwalayin kayo ngayon, bagkus, ina­­ana­lisa lang natin ang tak­dang kapalaran o ang mangyayari sa in­yong relasyon upang ngayon pa lang ay ma­tuto ka­yong magpa­kum­baba.

Kung wala kasing mag­paparaya, tulad ng naipa­liwanag na, dahil kapwa kayo may strong number, sa bandang huli, siyento-porsiyento, sa kangku­ngan din pu­pulutin ang inyong re­lasyon.

May mga naitala pa ngang kaso na parehong strong number na ka­pag nag-aaway ay nagpupu­kulan sila ng mga gamit. Buti na lang bukod sa mayabang, ma-ego at ma-pride ang mga ta­ong may strong number na 1 ay magaling din si­lang umilag, kaya kapag pinu­kol ng kanyang ka­pareha ang gamit ay hin­di siya tinatamaan at na­katatak­bo siya ka­agad.

Ang problema, pa­ano kung hindi ka ma­kailag? Paano kung habang tu­matakbo ay nadapa ka? Paano kung higit na asin­tado ‘yung pumupukol sa umiilag? ‘Yun ang masa­kit na se­naryo sa buhay ng mag­karelasyon na kapwa may strong num­ber, ma­lamang na grabe sila kung magkasakitan — emotionally at physi­cally.

Hindi tulad sa mag-asawang may weak num­ber kung saan magka­sakitan man sila, mas mauuna ang takot na masaktan ang kanyang kapareha o kung makasa­kit man ang taong may weak number, kaagad niya itong pinagsisihan.

In short, para maging maligaya ang relasyon ng magkapareha na pare­hong may strong number, tulad ng nasabi na, kaila­ngang may magpaka-weak sa kanila.

Kapag nangyaring may nagpa-under sa mag-asawa na may strong number, kumbaga, may sumuko, nagpakumbaba, nagparaya, nagpakamar­tir, sigurado ang magaga­nap, yayaman sila at ha­bambuhay nang magi­ging maunlad at mali­gaya ang kanilang pamilya.