Mala-FPJ na idolo noon, lumabas ang tunay na kulay… COCO, BIGLANG NASIRA SA MADLANG PIPOL DAHIL KAY
- BULGAR
- May 6, 2019
- 1 min read
MAHINAHON, mahabang pasensiya, mabait, mapagkumbaba, matulungin, parehas na trato sa kapwa artista, lalo na sa maliliit na manggagawa. Ito ay ilan lamang sa magagandang katangian ng yumaong King of Philippine Movies na si Fernando Poe, Jr. na hinahangaan ng libu-libo niyang tagahanga.
May kakaibang karisma si FPJ sa tao. Hinding-hindi basta mabubura at makakalimutan ng showbiz industry ang legacy na iniwan ni Da King.
Maging ang ilang sikat na celebrities ay mataas ang respeto kay FPJ. Ang seryeng Ang Probinsyano na halaw sa pelikulang ginawa noon ni FPJ ay mainit na tinangkilik sa telebisyon.
Mahigit tatlong taon na ito sa ere at maraming malalaking artista na ang nag-guest dito tulad nina Eddie Garcia, Lito Lapid, Edu Manzano, Rowell Santiago, atbp..
Uminit nang husto ang career ni Coco Martin dahil sa kanyang pagganap bilang Cardo sa Ang Probinsyano. Maraming bata ang umiidolo at nanggagaya sa kanya. Pero, dahil lang sa isyu na may anak na siya kay Julia Montes, na ayaw niyang pinagpipiyestahan ng media, napikon ang dating mabait na aktor.
Nasaan na ang hinahon, ang pagpapakumbaba, ang pagpapasensiya at ang parehas na trato sa maliliit na manggagawa sa telebisyon ni Coco Martin?
Oo nga’t nabibigyan niya ng trabaho ang ilang jobless na artista, pero bakit nawala na ang pagpapakumbaba ni Coco? Hindi ganyan si FPJ!
Comments