Pagkatakot sa tubig, bulaklak, hangin at iba pa… IBA’T IBANG URI NG PHOBIA, ALAMIN!

PAGKATAKOT sa gagamba, sa dilim, sa matataas na lugar at sa matutulis na bagay.

Narinig mo na ba ang salitang “phobia”? ‘Yan ay ilan lamang sa mga uri nito.

Ang phobia ay isang uri ng mental disorder kung saan nakararam­dam ng matinding takot ang tao sa mga bagay, sitwasyon, lugar, in­sekto o hayop.

Ayon sa American Psychiatric Association (APA), mayroong tatlong grupo ng phobia at ito ay ang mga sumu­sunod:

1. SPECIFIC PHO­BIA. Ito ang matinding pagkatakot sa mga ma­liliit o walang kabulu­hang bagay, sa madaling salita, simpleng pagka­takot lang ito tulad ng pagkatakot sa ahas, multo, gagamba at iba pa.

2. SOCIAL PHOBIA OR SOCIAL ANXIETY. Ito ay ang malalim na pagkatakot sa mapanghusgang ka­pa­ligiran at komunidad. Ito ang karaniwang pag­katakot sa pakikiha­lubilo sa mga tao.

3. AGORAPHOBIA. Ito ay uri ng anxiety disorder na parang halos ayaw mo nang lumabas ng bahay dahil sa matinding takot na nararamdaman mo sa paligid at sa mga tao. Ito ‘yung pagkatakot luma­kad mag-isa nang walang kasamang pinagkaka­tiwalaang tao.

Samantala, ang mga sintomas ng phobia ay pagpapawis, hirap sa pag­hinga, mabilis na pagtibok ng puso, chest pain, pagkaduwal at pagkahilo.

Ito naman ang ilan sa mga klase ng phobia na hindi mo akalaing nag-e-exist pala:

• Ablutophobiam — pagkatakot sa paliligo o paglilinis

• Aerophobia — pag­katakot sa paglipad

• Alliumphobia — pagkatakot sa bawang

• Anemophobia — pagkatakot sa hangin

• Anthophobia — pagkatakot sa mga bulak­lak

• Aquaphobia — pag­katakot sa tubig

• Arachibutyro­phobia — pagkatakot sa pagdikit ng peanut butter sa ngalangala

• Arithmophobia — pagkatakot sa mga numero

• Chaetophobia — pagkatakot sa buhok

• Clinophobia — pagkatakot sa higaan

• Driving phobia — pagkatakot sa pagmama­neho

• Emetophobia — pagkatakot magsuka

• Erythrophobia — pagkatakot sa pamu­mula (blushing)

• Escalophobia — pagkatakot sa escalators

• Geliophobia — pagkatakot tumawa

• Genuphobia — pagkatakot sa tuhod

• Gephyrophobia — pagkatakot sa mga tulay

• Kathisophobia — pagkatakot umupo

• Lachanophobia — pagkatakot sa gulay

• Logophobia — pagkatakot sa pag-aaral magbasa

• Nomophobia — pagkatakot mawalan ng mobile phone

• Ombronophobia — pagkatakot sa ulan

• Ornithophobia — pagkatakot sa ibon

• Phobophobia — pagkatakot magkaroon ng phobia

• Plutophobia — pagkatakot sa pera

• Pogonophobia — pagkatakot sa balbas

• Sesquipedalo­pho­bia — pagkatakot sa mahahabang salita

• Siderophobia — pag­katakot sa mga bituin

• Somniphobia — pagkatakot matulog

• Xanthophobia — pagkatakot sa kulay dilaw

Ayan, mga beshy, ang tanong, saan kayo napabibilang diyan? Hmmm… for sure, wala kayo sa mga ‘yan dahil ang pinakakinatatakutan ninyo ay ang maiwan. Charot! Hi-hi-hi!