Alamin mula kay Maestro... KAPALARAN NG MGA TANDANG SA BUHAY-PAG-IBIG

Maestro Honorio Ong

BUKOD sa ina­akala ng Tandang na siya ay matalino, siya ay sobrang perpeksi­yunista, kaya ayaw na ayaw niyang na­kakikita ng mga ba­gay na may mali at may kapintasan. Kum­baga, galit siya sa pa­ngit at sa mga bagay na hindi naka­ayos, kaya siya rin ay da­ki­lang mami­min­tas.

Sa kabila nito, palagi siyang may solusyon sa mga pangit at hindi ma­gagandang mga bagay. Kaya ikinatutuwa niyang mag-isip nang mag-isip kung paano itatama ang mga mali na nakikita niya at kung paano pagagan­dahin ang mga bagay na may kapintasan.

Ito ang isa sa nagpa­pa­saya sa buhay ng Tan­dang, ang mag-analisa ng kung anu-anong mga ba­gay sa silong ng langit, kaya inaakala talaga ng Tandang na siya ay tunay na matalino dahil sa ugali niyang palaisip at ma­hilig mag-analisa.

Kadalasan, tama ang naiisip niyang solusyon sa mga pangyayari. Ang problema lang, hindi niya kaagad naipatutupad ang solusyon o ang kanyang mga ambisyon, binabalak at mga plano sa buhay da­hil ayaw na ayaw ng Tan­dang na kumilos nang may kulang pa o hindi pa mas­yadong perpekto ang partikular na proyekto.

Kaya ito ang nagiging pangunahing dahilan kung bakit nabibigo, hindi umuunlad at hindi ganap na yumayaman at minsan ay hindi rin nagiging ma­ligaya ang Tandang.

Tu­lad ng nasabi na, nangyari ito dahil sa kai­isip niya at sa pagiging sob­rang perpeksiyunista, ‘yung tipong, gagawin na lang ang bagay na tiyak na­mang mapagwa­wagian o ikauunlad niya ay hindi kaagad niya ito nagagawa nang mabilis.

Dahil sa kakuparang ito ng Tandang na ma-execute ang mga plano niya sa buhay, tumatagal tuloy bago niya mapitas ang na­pakalaking ta­gum­­pay na mata­gal nang inilaan sa kanya ng ka­pa­la­ran.

Gayundin sa pag-ibig, dahil hin­di niya ma-exe­cute o maibu­lalas sa napupusuan ni­yang babae o lalaki ang pagma­mahal niya o kaya ay min­san, kasa­ma na niya ang babae o lalaking magpa­pa­ligaya sa kanya, pero pi­nipintasan pa rin niya at hinahanapan ng kapa­ngitan, ang mga ba­gay na ito ang sadyang na­giging hadlang upang ang Tan­dang ay ganap at tuluyan na sanang uun­lad, magta­tagumpay at magiging ma­ligaya.

Kaya kung ikaw ay Tan­dang, dapat huwag mo nang pangarapin pang ma-per­fect ang partikular na ba­gay, sa halip, kahit na may kaunting mali, mas mai­nam na ipatupad mo na kaagad ang iyong la­yu­nin o binabalak upang hindi ito maantala o hindi ma­inip ang tagumpay na ma­tagal ka nang hini­hin­tay da­hil ang tagumpay na ito, perfect man o hindi ay sadyang nakalaan sa iyo bago ka pa isinilang.

Sa pag-ibig at pakiki­pagrelasyon, huwag mo nang i-perfect ang inyong ugnayan. Oo, mas mabu­ting hayaan mong may mali upang kahit may ba­hagyang mali sa relasyon ay maitatama at maitu­tuwid din ito habang kayo ay patuloy na nag-aala­la­yan at nagpapadama ng wagas na pagmamahalan sa isa’t isa.

Sa ganu’ng paraan, sa sandaling natanggap na ng Tandang na hindi ta­laga perfect ang mundo at walang relasyon na wa­lang maling kapintasan dahil ang mga ito ay ba­hagi lamang ng natural nating buhay sa mundo, ru’n lamang lubusang ma­­tatamasa ng Tandang ang bonggang-bong­gang ta­gumpay at wagas na ka­ligayahan ngayong 2019.

(Itutuloy)