Wa' paki kahit milyones ang mawala… MAINE, INISNAB LAHAT NG PULITIKONG GUSTO SIYANG MAKUHA

Len Ramos Llanes / ISKUP

AYON kay Rams David, manager ni Maine Mendoza at president ng Triple A Management, maraming offers kay Yaya Dub para i-endorse ang ilang politicians.

“Actually, since 2018, may mga kumausap na, may mga nagtatanong na. Politely na­man, nag-beg-off kami.”

Patuloy niya, “Ever since naman, I think, this is not the first time na nag-showbiz siya na nagka-election. Before that, wala rin naman tayong ikinampanya.

“Siguro, mas gusto natin na okay na ‘yung ganyan, wala siyang pinapanigan. Parang all is fair.

“Feeling ko naman kasi, ang politician doesn’t need someone na magtataas ng kamay mo.

“Kung maganda ang hangarin mo as politician, hindi mo kailangan ng superstar para iboto ka ng tao.

“Ibigay mo lang ang tamang plataporma mo at maganda ang hangarin mo, mananalo ka.”

Pero ang stand daw nila sa Triple A, gayundin ng pamilya Mendoza, wala silang tatanguang offer.