Malinaw ayon sa birthday... HOUSEWIFE NA NAKATAKDANG SUWERTEHIN KUNG MAGHAHANAPBUHAY

Maestro Honorio Ong

Dear Maestro,

Ako ay housewife, akala ko ay magiging okay na ang kalagayan namin dahil may trabaho naman ang mister ko.

Kaya lang, bigla siyang natanggal sa kum­panyang pinapasukan niya. Apat ang aming anak kaya ngayon ay hirap na hirap na kami sa buhay.

Muli kayang makahahanap ng trabaho ang mister ko o tama ang iniisip ko na maghanap din ako ng trabaho?

Kailan kami makaluluwag at makaaahon sa kahirapan? February 5, 1981 ang birthday ko at December 1, 1972 naman ang mister ko.

Umaasa,

Cristy ng Dela Paz, Lubao, Pampanga

Dear Cristy,

Ayon sa birth date mong 23 o 5 (2+3=5) sa zo­diac sign na Aquarius at sa destiny number na 8 (2+5+1981=1988/ 19+ 88=107/ 10+7=17/ 1+7= 8), tama ang iniisip mong tulungan si mister sa pag­tatrabaho o maghanap ka rin ng trabaho o sariling pagkakakitaan upang mas madali kayong makaahon sa kahirapan hanggang sa tuluyang umasenso ang inyong pamilya.

Kung saan dahil ikaw ay may birth date na 5, mas mainam kung mag-a-apply ka sa abroad at kung sisi­mu­lan mo na ang pag-a-apply ngayong taon hanggang sa taong 2022, sa edad mong 38 pataas, makikita mo, may mabunga at mabiyayang pangi­ngi­bang-bansang itatala sa iyong karanasan na magiging daan upang unti-unti na kayong ma­kaahon sa kahirapan at mga pagkaka­utang hanggang sa ban­dang huli ay tuluyan na ring umunlad at suma­gana ang inyong pamilya sa aspetong pangmateryal na bagay.

Dagdag pa rito, ang birth date na 1 ng mister mo ay nagsasabing, papalarin din si mister sa pangi­ngibang-bansa, gayundin sa pagnenegosyo na may kaugnayan sa apoy, sa mga inilulutong bagay o pagkain at sa iba pang mga produktong kauri nito.

Ayon sa Decadens ng Kapalaran, sa sandaling sinunod ninyo ang mga simpleng rekomendasyong inilahad na sa itaas, tiyak ang magaganap, tulad ng nasabi na, sa taong 2022, sa edad mong 41 at 50 na­man ang mister mo, sa nasabing panahon, maun­lad na maunlad na ang inyong kabuhayan hang­gang sa tuluyan na rin kayong yumaman, na siyang na­giging ka­dalasang sadlakang kapalaran ng mga “taong sing­ko” tulad mo.