Masyado raw kayong perfectionist, mga lodi! MGA PANINIWALA TUNGKOL SA PAGKATAO NG MGA TANDANG

Maestro Honorio Ong

SA pagkakataong ito, ang pangunahing kata­ngian at sadlakang kapa­laran ng animal sign na Tandang o Rooster nga­yong 2019 ang ating tata­lakayin.

Tandaang, ikaw ay ma­pa­bibilang sa Year of the Rooster kung ikaw ay isini­lang noong mga taong 1933, 1945, 1957, 1969, 1981, 1993, 2005 at 2017.

Ang Year of the Rooster ay pinaghaharian ng implu­wensiya ng planetang Mer­cury sa Western Astrology at siya ring kumakatawan sa zodiac sign na Virgo.

Sinasabing ayaw na ayaw ng mga Tandang ang hindi organisado at may magulong bu­hay, kaya pinipilit nilang maging ma­ayos ang lahat.

Bukod sa pa­gi­ging maayos at organisado, gus­tung-gusto rin ng mga Tandang na nakaplano ang lahat ng bagay at mata­pos planuhin ay pinaghu­husayan talaga niyang ma­buti na masunod kung anu­man ang nakaplano sa kan­yang mga pangunahing ga­wain at ambisyon sa buhay.

Kapag wala sa plano, wala siyang balak na gawin ito dahil para sa kanya, ang bu­hay ay napakalaking pla­no.

Dahil sa ugaling ito ng Tan­dang, maraming maga­ganda at masasayang opor­tu­nidad tuloy ang nakala­lag­pas sa kanyang buhay dahil para sa kanya, hindi puwe­deng gawin, aturgahin o sungga­ban kaagad ang mga bagay na hindi nakaplano.

Sa totoo lang, galit ang Tandang sa “surprise” dahil para sa kanya, “walang sor­presa sa buhay” dahil ang lahat ay pinagpaplanuhan bago mangyari at matupad.

Dagdag pa rito, inaakala ng Tandang na siya ay na­pakahusay sa pamamahala at kung siya ang masusunod, nais niyang sumunod sa kanya ang lahat ng kanyang nasasakupan nang pikit-mata dahil para sa kanya, batid niyang hu­husay at bu­buti ang bu­hay o ang pang­yayari sa sandaling siya ang nasunod at namahala.

Habang namamahala at nag-o­obserba, madaling napapan­sin ng Tandang ang mga simpleng pagkakamali at kapangitan o kaya ay ka­kulangan. Sa san­daling na­pansin niya ito, tiyak na ito ay sasabihin at ipagkakalat niya kaagad da­hil para sa kanya, bawal ang magka­mali at ang lahat ay dapat perpekto at magan­dang-maganda.

Dahil sa pagiging sob­rang kritiko at palapintas, ka­dalasan tuloy ay hindi niya na­mamalayan, naaasar at nila­layuan na siya ng kan­yang mga kaibigan dahil lu­malabas na magaling ang Tandang kahit hindi naman.

‘Yun kasi ang palaging nararamdaman ng Tandang sa kanyang sarili na siya ay napakatalino at napakaga­ling.

Kaya lang sa tuwing ipa­kikita niya ang pagiging ma­talino at magaling niya, hin­di sinasadyang pinalulutang niya ang pagkakamali at ka­pangitan ng mga taong na­ka­paligid sa kanya.

Hindi lang palapintas at perpeksiyunista ang pangu­nahing ugali ng Tandang da­hil mahilig din siyang maki­pagdebate at makipagtalo. Asahan mong habang siya ay nagpapaliwanag, tunay ngang ang galing-galing niya kaya halos na­pani­niwala niya ang na­kikinig at nanonood sa kanya.

Ang problema la­mang, kapag may nakade­bate na ang Tandang, asahan na kahit na maling-mali na siya ay hindi siya aamin sa kan­yang pagkakamali, sa halip, maghahanap pa rin siya ng palusot upang hindi mo ma­pangalandakan ang kan­yang kama­lian.

At dahil may pag­kaper­peksiyunistang nilalang ang Tandang, ayaw na ayaw ni­yang makakakita ng pagka­kamali at ayaw na ayaw niya ring nagka­kamali kahit min­san.

Subalit, kapag ob­vious na nagkamali ang Tandang at napansin ni­yang ganu’n ang nang­yari, tulad ng na­sabi na, ta­tawanan lang niya ito, pero tiyak na hin­ding-hindi niya aamining siya ay nagkamali.

Kaya kung ikaw ay may boyfriend o girlfriend na Tandang, mas mainam pang iwasan mo na ang pakiki­pag­talo o pakikipagdebate sa kanya dahil tiyak na hindi ka ma­na­nalo sa pilosopo at ma­hi­lig magpalusot na Tandang.

Kung ikaw naman ay nagkataong nakapag-asawa ng tipikal na Tandang, ka­ilangang maging handa kang makinig sa mga kat­wiran niya at habaan mo ang iyong pasensiya upang lalo pang lumawig at lumigaya ang inyong pagmamahalan, habambuhay.

(Itutuloy)