Todo-push kay Nadine… DIREK ERIK, AYAW DAW KAY LIZA BILANG DARNA, NIRESBAKAN

Vinia Vivar / FRANKLY SPEAKING

NILINAW ni Direk Erik Matti ang tungkol sa naging statement niya na si Nadine Lustre ang choice niya to replace Liza Soberano sa peli­kulang Darna.

May mga nang-bash kasi kay direk dahil sa statement niyang ito at inakalang hindi niya gusto si Liza para maging Darna. May nagsabi rin na nakikialam pa siya gayung nag-resign na nga siya bilang direktor ng pelikula.

‘Yung iba naman, na-misinterpret din na kumpirmado nang si Nadine na nga ang napili para sa much-coveted role.

Paliwanag ni Direk Erik sa Twitter, ito ay personal opinion lang niya at depende pa rin sa producer ang pagpili.

“Mahirap magpali­wa­nag sa mga taong ‘di maru­nong magbasa at makain­tindi. Tatagalugin ko na. Pag-alis ni Liza na first choice ko, si Nadine lang ang nakikita kong puwe­deng pumalit as Darna. Pero ako lang ‘yan. Depen­de pa rin ‘yan sa Abs-Cbn at sa director ng Darna,” tweet ni Direk Erik.

Samantala, pagkatapos mag-resign sa Darna noong October last year ay nagka­roon ng time ang direktor para gumawa ng bagong pelikula, ang horror film na Kuwaresma starring Sha­ron Cuneta and John Arcilla na showing na sa May 15.

“Naka-standby ako sa Darna, ‘di ba, for the longest time? Wala akong ma­planong gawin except On the Job 2 kasi nauna na ‘yun, nasimulan na namin. So, si Dondon (Monteverde of Reality Films), parang nanghihina­yang siya na nakaabang kami na mata­pos ang Dar­na, saka kami gagawa ng movie,” ku­wento ni direk sa presscon ng Kuwa­resma.

Kaya nang umalis daw siya sa Darna ay kaagad sinabi ni Dondon na gawa sila ng pelikula and this time ay horror naman. At doon na nabuo ang Ku­waresma.