SIMULA NA ANG PASIKLABAN SA OPENING NG PALARO

DAVAO—Labing apat na ginto ang nakataya sa Day 1 sa athletics sa 2019 Palarong Pambansa na aarangkada ngayon at si President Rodrigo Roa Duterte ang panauhing pandangal sa opening ceremony sa Davao City Sports Complex kung saan lalaruin ang PRISAA (Private School Athletic Association) National Sports competition matapos ang school-based grassroots event tampok ang mga atleta sa 13 Regions.

Sasamahan si Duterte nina Philippine Sports Commission Chairman William Ramirez, Department of Education, Culture and Sports Secretary Leonor Magtolis Briones at local officials sa pamumuno ni presidential daughter Sara Duterte-Carpio. Matagal nang hindi ginawa ang Palarong Pambansa sa Davao at ngayon lang sa administrasyon ni Pres. Duterte mula nang maging alkalde siya.

Darating si P-Duterte galing sa kanyang official visit sa China at magsasalita tungkol sa kahalagahan ng palakasan bilang pangunahing sandigan sa pagpapalakas ng lipunan mula sa malusog na pamayanan.

Ang unang 14 golds na paglalabanan sa athletics ay 3,000m (girls high school), long jump (boys high school), discuss (girls high school), long jump (boys elementary), discuss (girls elementary), 400m hurdles (boys high school), 400m (girls high school), 400m hurdles (girls elementary), 400m hurdles (boys elementary), long jump (girls high school), discuss (boys high school), 100m (boys high school), 100m (girls high school), at 100m (boys elementary).

Mga atletang boys and girls na galing sa 13 rehiyon ang kalahok sa weeklong school-based grassroots competition na idinaos upang makatuklas na mga atletang may potensiyal na kumatawan para sa bansa sa susunod na international competitions. Ang mga sports na paglalabanan bukod sa athletics ay swimming, archery, arnis, basketball, boxing, table tennis, lawn tennis, gymnastics, chess, baseball, softball, volleyball, pencak silat, football, futsal at badminton.