Kalapati na naging anghel
Salaminin natin ang panaginip ni Angelica ng Angelica_Atupan_Romero @facebook.com
Dear Professor,
Nakaupo ako sa ilalim ng puno, tapos, sa malayo nakakita ako ng 3 puting kalapati.
Napansin ko sila dahil nagliliwanag sila. Nang papalapit na sila ay bigla silang naging anghel.
‘Yung mga batang anghel na dilaw ang buhok. Hihintayin ko ang sagot ninyo.
Salamat!
Naghihintay,
Angelica
Sa iyo Angelica,
Sobrang lungkot mo, iha, maraming dahilan kaya ang tao ay malungkot. Una, kapag babae o dalaga ka, ang love life mo ay maraming problema, gayundin ang mga lalaki dahil ang problema sa love life ay sanhi ng sobrang kalungkutan.
Kapag hindi maganda ang trato sa iyo ng iyong mga kapamilya, ikaw din ay makararamdam ng sobrang kalungkutan. Ang pakiramdam na mahina, malas at walang inaasahang magandang kinabukasan ay ganundin ang epekto sa tao.
Pero, para sa mga nakapanaginip ng tulad sa iyo, ang magandang balita ay nagsasabing huwag kang malungkot, Angelica, dahil mahal na mahal ka ni Lord. Hindi ka Niya pababayaan at sasamahan ka Niya sa iyong kalungkutan.
Ito ay masayang balita dahil kapag ang tao ay sinasamahan ni Lord na sa wikang English ay “I am with you, says the Lord.” Ituturo Niya sa iyo ang mga bagay na dapat mong gawin. Siya si Lord, pero sa pagkakataong ito, Siya ang iyong bestfriend na gagabayan ka para sa ikagaganda ng buhay mo.
Totoong ang nakita mo sa panaginip ay tatlong anghel, pero ang isa pang katotohanan, kasabay ng pagbaba ng tatlong anghel, nandu’n si Lord, hindi mo Siya nakita, pero Siya ay nasa tabi mo at tulad ng nasabi na “the Lord is with you.”
Napakasuwerte ng taong nakatabi si Lord dahil ito ang pagkakataon na puwede niyang hilingin ang kanyang pinakagusto sa buhay. Kaya, humiling ka na, Angelica, hilingin mo na ang iyong pinakagusto sa buhay at makaaasa ka na ito ay matutupad dahil hindi ka bibiguin ni Lord.
Hanggang sa muli, Professor Seigusmundo del Mundo
Comments