Alamin mula kay Maestro... KATOTOHANAN TUNGKOL SA KAPALARAN NG MGA ISINILANG SA YEAR OF THE MONKEY

Maestro Honorio Ong

TANDAANG, ikaw ay mapabibi­lang sa Year of the Monkey kung ikaw ay isinilang noong mga taong 1932, 1944, 1956, 1968, 1980, 1992, 2004 at 2016.

Samantala, kung ikaw ay Unggoy na isinilang noong 2004, sinasabing matapos ang malaking ta­gum­pay at mga achieve­ment na iyong ma­­kakamit, sa panahong ito ng iyong buhay, kaila­ngang-kailangan mo ang pamamahinga dahil ito ang magiging paraan upang lalo pang mare­charge ang iyong kasig­lahan at enerhiya.

Mata­pos ma-recharge ang iyong enerhiya, tiyak ang magaganap, dagdag na tagumpay at mga pag­papala ang iyong aanihin. May masarap at matamis ding romansang ipinapa­ngako para sa iyo nga­yong 2019.

Kung ikaw ay Ung­goy na isinilang noong 1956, ang pagtulong sa kapwa at sa mga kaibigan ang dapat mong gawin ngayong Taon ng mga Ba­boy. Piliin mo lamang ang mga taong karapat-dapat na tulungan.

Sa ganyang paraan, habang tumutulong ka sa mga taong karapat-dapat tulungan, dobleng mga biyaya at pagpapala ang babalik sa iyo ngayong taon.

Kung ikaw ay Ung­goy na isinilang noong 1968, sinasabing ‘yung mga dating achievement o karangalan at karag­dagang kita na hindi mo nakuha noong nakaraang taong 2018 ay tiyak na ma­pasasaiyo na ngayong taon.

Panatilihin mo la­mang ang dati mo ng ginaga­wang pagtitipid at pag-iipon upang kapag may dumating na bultong bi­yaya sa iyo ay hindi mo kaagad ito maubos, sa halip, ay may savings ka para sa future.

Kung ikaw ay Ung­goy na isi­ni­lang noong mga taong 1920 at 1980, sina­sa­bing tuluy-tu­loy nang la­lago ang inyong ka­buhayan at ma­katatanggap kayo ng mga biglaang suwerte at pakina­bang na hindi ninyo inaasahan, pero sob­rang laki at ma­rami talaga.

‘Yun nga lang, nga­yong Taon ng mga Ba­boy, may mga kakilala ka na mag­kukunwaring tapat at totoong kaibigan, pero sa bandang huli, iisahan at lolokohin ka lamang, kaya dapat, mag-ingat kang mabuti sa mga kakikilala mo palang.

Kung ikaw ay Ung­goy na isinilang noong mga taong 1932 at 1992, higit na magiging malapit ka sa iyong pamilya at mi­namahal ngayong Taon ng mga Baboy.

Habang nagiging ma­lapit ka sa iyong pamilya, maaaring may dumating na bigla at bagong relas­yong sadyang magpapa­ligaya sa iyo. Gamitin mo ito bilang inspirasyon at pampasaya, subalit, dapat mo pa ring iwasang mag­kasala.

Sa pinansiyal, tuluy-tuloy ang dating ng agos ng pera basta patuloy na naging positibo at masa­yahin ang pag-uugali mo sa buhay ngayong taon at tandaan mo ring hindi ka dapat malungkot upang ngayong 2019 ay lalo ka pang suwertehin at ma­ging maligaya.

(Itutuloy)