Notoryus na tulak utas sa shootout

BATANGAS—Isang notoryus na drug pusher ang napatay nang makipagbarilan sa pulisya na nagsagawa ng drug-bust operation, kama­kalawa sa Bgy. Caloocan, Balayan sa lalawigang ito.

Ang suspek ay nakilalang si Dennis Pantoja, nakatira sa naturang lalawigan.

Nabatid na darakpin sana sa drug-bust operation si Pantoja, pero nanlaban ang suspek at pinagbabaril ang pulisya.

Dahil dito, kaagad gumanti ng putok ang mga awtoridad na naging dahilan kaya napatay ang suspek.