Alamin mula kay Maestro... KATOTOHANAN TUNGKOL SA BUHAY-PAG-IBIG NG MGA UNGGOY NGAYONG TAON

Maestro Honorio Ong

SA pag-ibig, kung ikaw ay dalaga, bina­ta o kaya ay wala pang nagmamay-ari ng iyong puso, sinasa­bing mahihitik sa li­gaya at masarap na pakikipagrelasyon ang buhay ng Unggoy ngayong Taon ng mga Baboy. Darating nang bigla ang iba’t ibang klase ng ro­man­sa, ngunit, sa sanda­ling hindi mo ito ini­ngatan tulad ng mu­munting hamog sa gilid ng dahon tuwing umaga, may posibili­dad na mabilis itong maglalaho.

Sa mga magkasintahan o dati ng may karelasyon, sinasabing may mga tam­puhan at hindi pagkaka­unawaang maaaring maga­nap, ngunit, anumang prob­lema, paghihiwalay o sama­an ng loob ang mangyayari, ang lahat ng ito ay mag-iiwan ng positibong aral sa buhay ng Unggoy upang lalo pang mapaunlad ang kanyang personalidad na tutulong o magdadala sa kanya upang sa susunod niyang pakikipagrelasyon ay makamit na niya ang maligaya at panghabam­buhay na pag-ibig.

Sa kabilang banda, anu­man ang mga kumplika­dong bagay na magaganap sa buhay-pag-ibig ng Ung­goy ngayong taon, isa lang ang sigurado. Sabi nga sa wikang banyaga, “one lost, ten found” na nangangahu­lugang mawala man ang ilang relasyon, marami na­man itong magiging kapalit na pansamantalang ikalili­gaya ng Unggoy na sa totoo lang, ‘yun din ang hanap niya sa buhay, ang hindi magpatali sa iisang relasyon, sa halip, unconsciously, na­naisin ng Unggoy na duma­nas ng iba’t ibang lasa ng pag-ibig, partikular ngayong 2019.

Ngunit, kung ikaw ay Unggoy na may asawa na at masayang pamilya, sinasabing ngayong Taon ng mga Baboy la­long titibay at sasarap ang inyong pagmama­halan na magiging daan upang lalo pang umun­lad at lumago ang kabuha­yan ng inyong pamilya.

Sa pag-ibig, pag-aasawa at maging sa romansa, tug­mang-tugma sa Unggoy ang Daga na mahilig ding su­muri at mag-analisa ng problema kung saan ang relasyong Unggoy at Daga ay may malaki ring posibili­dad na umunlad at yuma­man dahil kapwa sila magi­ging mahusay sa paghawak ng pera at pagpapalago ng kabuhayan.

Kaakit-akit sa Dragon ang katusuhang ipinamama­las ng Unggoy habang ang Unggoy naman ay handang magpaubaya sa pagiging dominante ng Dragon, kaya sila ay kapwa makabubuo ng masarap at kaaya-ayang relasyon.

Madali ring masasakyan ng maramdaming Kuneho, utu-utong Tupa o Kambing, pagala-galang Aso, matali­nong Kabayo at masipag na Baka ang ugali ng Unggoy, ibig sabihin, ang lahat ng nasabing mga animal sign ay sadyang ka-com­patible ng Unggoy.

Ngay­ong 2019, sadyang magiging paborable sa Ung­goy ang panahong mula sa ika-5 ng Abril hanggang sa ika-4 ng Mayo mula sa ika-5 ng Mayo hanggang sa ika-10 ng Hunyo mula sa ika-5 ng Hulyo hanggang sa ika-5 ng Setyembre at mula sa ika-26 ng Nobyembre hang­gang sa ika-25 ng Dis­yem­bre.

(Itutuloy)