Kagawad todas sa mga armado

LEYTE—Isang kagawad ang namatay nang barilin ng mga hindi kilalang armadong salarin, kamakalawa sa Bgy. Cambajanon, Alang-Alang sa lalawigang ito.

Kinilala ang biktima na si Kagawad Avelino Parado, residente ng nasabing barangay.

Ayon sa ulat, lulan ng kanyang motorsiklo si Parado nang sumulpot ang mga suspek at agad pinagbabaril ang biktima.

Patuloy ang imbestigasyon ng pulisya upang matukoy ang pagkatao ng mga suspek at mabatid ang motibo sa krimen.