Pahiwatig na magkakagusto sa matandang mayaman
Salaminin natin ang panaginip ni Epi ng Epi_ Pha_Ny@facebook.com
Dear Professor,
Ano ang ibig sabihin kapag niregaluhan o inabutan ka ng ballpen na kakaiba, parang antique ang dating at mukhang mamahalin?
Curious lang ako, kaya gusto kong malaman.
Salamat!
Naghihintay,
Epi
Sa iyo Epi,
Sa ngayon, uso pa ang ballpen, pero sa mga school na lang hindi tulad noon, ang bawat tao ay may kani-kanyang personal na ballpen.
Ngayong uso na ang modernong cellphone, laptop at computer, may gumagamit pa ba ng ballpen?
Ang unang ballpen, iha ay natagpuan sa Ancient Egypt, antigong ballpen na gawa sa pakpak ng ibon.
Ang ballpen tulad mismo ng ballpen ngayon ay naimbento sa Hungary ng editor ng diyaryo, kaya ang unang modernong ballpen ay ginamit sa pagsusulat sa mga newspaper.
Sumikat ang ballpen, pagkatapos ng Ikalawang Digmaang Pandaigdig at halos lahat ay may sariling ballpen.
Sobrang naging mabili ang ballpen nang mauso ang penpal. Ang penpal ay ang pagsusulatan ng magkaibigan na nasa malayong lugar sa pamamagitan ng post office na nagde-deliver ng mga sulat.
Ang pinakasikat na ballpen ay ang “Bic Ballpen” dahil maganda ng sulat o tinta nito, makinis at manipis na hindi dumurumi ang papel sa sinulatan.
Sa panaginip, ang ballpen ay phallic symbol na kapag binigyan ng ballpen, ibig sabihin, ang nagbigay ay may pagnanasang pangseksuwal sa binigyan.
At dahil antigo ang ballpen sa panaginip mo, mas malamang na ang nagnanasa sa iyo ay matanda na, gayundin dahil mukhang mamahalin ang ballpen, ibig sabihin, siya ay matandang mayaman.
Puwede bang ako naman ang magtanong? Minsan ba sa buhay mo ay nasabi mo na ang gusto mo ay matandang mayaman na madaling mamatay?
Ang mga babae kasi, madalas na nagbibiro na ang gusto nila ay ‘yung mayamang matanda na madaling mamatay.
Minsan, ang kapalaran ay mapagbiro rin at kung oo ang sagot mo, ihanda mo ang iyong sarili dahil your wish shall come true.
Hanggang sa muli, Professor Seigusmundo del Mundo
Comments