Alamin mula kay Maestro... TAKDANG KAPALARAN NA MARARANASAN NG MGA UNGGOY NGAYONG TAON NG MGA BABOY

Maestro Honorio Ong

SA negosyo, kalaka­lan, career at pakiki­pag­transaksiyon, sinasa­bing ang mga Unggoy ay ma­hilig makipagsa­pa­laran at dahil likas silang tuso at matalino, kayang-kaya nilang mapalago at ma­parami ang napaka­simple nilang produkto at kini­kita, kaya sa 12 ani­mal signs na humarap sa palasyo ni Lord Buddha, ang Unggoy ang isa sa pinakamapalad kung larangan ng negosyo at pagkakaperahan ang pag-uusapan.

Ang dapat lamang pag­han­daan ng Unggoy ay ang mga mabibilis na pag­baba­gong magaganap sa kanyang career at negosyo ngayong Taon ng mga Ba­boy.

Kaya mahalaga na ma­ging matatag ang Unggoy sa anumang hamon ng kapa­laran sa kanyang career at propesyon ngayong taon. Nangyari ito dahil ang mga pagbabagong magaganap kapag nagkamali siya ng de­sis­yon ay maaaring ikalugi ng kanyang negosyo, ngunit, kung magiging tama ang kanyang pasya, ang mga pag­babagong darating ay maiko-convert ng Unggoy upang lalo pang umunlad at suma­gana ang kanyang ka­buhayan.

May mga paninira at intriga ring mararanasan ang Unggoy ngayong taon sa kumpanya o workplace na kanyang ginagalawan kung saan sa umpisa, ang mga ne­gatibong pangyayari na ipupukol sa kanya ng mga taong toxic sa kanyang bu­hay ay aakalain niyang ma­kaaapekto sa kanyang pro­pesyon, ngunit, sa bandang huli kung hindi gaanong pa­patulan o papansinin ang nasabing mga intriga, ang mga paninirang ito ay ma­giging “blessing in disguise” na maghahatid sa Unggoy ng mas malaking suwerte at ta­gumpay ngayong 2019.

Sinasabing maganda ring magsimula ng bagong career o pagkakakitaan ang Ung­goy ngayong taon dahil tiyak na sa panahong ito lalo na at may ba­gong career o negos­y­­ong inilunsad ang Unggoy, sob­rang laki ng tsansa na aani siya ng mas mabunga at ma­saganang kapalaran.

Hindi naman iminu­mung­kahing mangutang o manghiram ng malaking ha­laga ng salapi ang Unggoy para makapagbukas o maka­pagsimula ng ba­gong ne­gosyo dahil kung mangu­ngutang ang Unggoy, mala­mang na hindi siya mada­ling makababayad, sa halip, ang maaaring mangyari ay magkabaun-baon lamang siya sa mga pagkakautang.

Dagdag pa rito, hindi rin iminumungkahing maki­pagsosyo ang Unggoy, sa halip, ang mas tama at ang dapat niyang gawin ay mag­sikap mag-isa upang lalong mapabuti at mapalago ang kanyang kabuhayan.

Sa hindi inaasahang mga pangyayari, may mga ini­handa rin ang langit na nata­tagong suwerte at kayama­nan para sa mga Unggoy ngayong 2019.

Ang kailangan lamang ay maging mapagmatiyag at gamitin ng Unggoy ang kanyang matalas na in­tuition. Kahit ito ay nakatago at na­kabaon dahil ang Ung­goy ay likas na masuwerte, tiyak na ang natatagong ka­yamanang ito ay matatag­puan sa tak­dang panahon kung saan langit na mismo ang magbubukas ng baul ng ka­yamanan upang sa sanda­ling natagpuan na ang kaya­ma­nang ito, bultu-bul­tong su­werte na may kaug­nayan sa salapi at materyal na ba­gay ang biglaang dara­ting sa buhay ng Unggoy nga­yong taon nang hindi niya ina­asahan.

(Itutuloy)