Idinemanda ng younger brother… GABBY, TODO-IWAS SA INTERVIEW, PRESS TINAKASAN
PAGKATAPOS ng “question and answer” portion sa Love You Two presscon ay umalis na agad ang lead actor na si Gabby Concepcion, habang ang newbie na si Clint Bondad ay nag-stay nang konti pero nagmamadali ring umalis. Ang dami pa namang gustong itanong sa kanila ng entertainment press.
Si Gabby ay may issue nga na idinemanda ng kanyang nakababatang kapatid dahil sa lupa. Si Clint naman, gustong malaman ng press kung may bago na ba siyang girlfriend lalo’t spotted siyang may hinahalikang girl sa isang bar a few days ago.
Sa Q&A ay nagpasalamat si Clint kay Jennylyn na siya raw dahilan kung bakit siya nandito sa GMA-7.
“Nakapasok ako sa GMA-7 dahil sa Dear Uge episode namin. ‘Yung experience ko diyan sa Dear Uge, naisip ko, ‘Ang ganda naman ng GMA, puwedeng-puwede pala.’ Cool pa si Jennylyn at nagustuhan ko ‘yung theme (ng rom-com serye).
“For me naman, I’m always excited sa lahat ng ibinibigay sa akin, pero ito naman, mas excited pa ako dito kasi masaya ako dito talaga.
“So, maraming salamat sa GMA, maraming salamat sa lahat ng ibinibigay n’yo sa akin. Hindi ko alam kung bakit ibinibigay sa akin, but thank you very much,” sabi ni Clint.
In fairness naman sa newbie actor, sa nakita naming acting niya sa pilot episode na ipinapanood din sa press nang gabing ‘yun, nakakaarte siya at maganda rin ang rehistro sa screen.
Magsisimula na sa April 22 ang Love You Two na first team-up nina Gabby at Jennylyn Mercado. Nagbabalik ang Ultimate Star sa romantic-comedy genre na siyang comfort zone niya kaya excited and happy ang aktres.
Comments