Ex-husband na may iba ng mahal

Socrates Magnus

Salaminin natin ang panaginip ni Neneth ng Neth_Neth@facebook. com

Dear Professor,

Napananaginipan ko ang aking ex-husband. Sa panaginip ko, palagi niya akong sinasaktan, kaya ma­bigat ang loob ko sa kanya. May kasa­ma raw siyang babae na nakita ko sa FB. Sobra raw akong nasaktan at na­lungkot.

Halos gabi-gabi akong na­nanaginip tung­kol sa kanya, kung wala si­yang ka­samang iba, sobra na­man siyang makaiwas sa akin, kum­baga, hindi niya ako pi­na­pansin.

Ano ang ibig sabihin ng mga panaginip ko?

Salamat!

Naghihintay,

Neneth

Sa iyo Neneth,

Nakatutuwa at naka­gu­­gulat ang puwedeng mang­yari sa buhay ninyo ng ex-husband mo kung saan “ang asawa ay ang kabit”.

Dahil kitang-kita sa iyong panaginip na mahal mo pa ang dati mong asawa na ka­pag kayo ay mu­ling nagka­roon ng ko­munikasyon, ma­aaring ma­ging kayong muli.

Kaya lang, may mahal ng iba ang ex-husband mo kahit na maging kayo ulit. Ang magandang ba­lita, ito ay mananatiling lihim kung saan kahit na ikaw ang asawa ay ikaw pa ang magmumuk­hang kabit na usung-uso nga­yon.

Gayunman, sa pana­gi­nip, walang palatanda­an na ito ay mahahadla­ngan, pero sa darating pang mga araw maaaring matakasan mo ang nasa­bing “biro ng kapalaran.”

Hanggang sa muli, Professor Seigusmundo del Mundo