Kelot dedo, 3 sugatan sa pamamaril
Pabs Hernandez III
Apr 11, 2019
1 min read
COTABATO CITY—Isang lalaki ang namatay at sugatan ang tatlo nitong kaibigan nang pagbabarilin sila ng mga hindi kilalang armadong salarin, kamakalawa sa Bgy. Poblacion 4 sa lungsod na ito.
Kinilala ang nasawi na si Aminudin Musa, samantalang, ang mga sugatan ay sina Nasrudin Nanao, Doring Alamansa at Joharli Nanding, pawang residente sa nasabing lugar.
Ayon sa ulat, nakatayo ang mga biktima nang sumulpot ang mga suspek at agad pinagbabaril ang mga biktima.
Iniimbestigahan na ng pulisya ang motibo ng mga suspek sa pamamaril sa mga biktima.
Comments