Kahulugan na tapos na ang paghihirap

Socrates Magnus

Salaminin natin ang panaginip ni Eisselb ng Eisselb_Nagnarab@ facebook.com

Dear Professor,

Nanaginip ako na nasa balsa ako, tapos, ang dami ko raw nahu­ling isda na matataba. Tapos, luma­ngoy ako papuntang pampang, gayundin, na umuulan daw tuwing gabi.

Ano ang ibig sabihin ng mga ito?

Naghihintay,

Eisselb

Sa iyo Eisselb,

Tapos na ang iyong paghihirap at ibinabalita ng iyong panaginip na magsa­sawa ka sa kasaga­nahan, kumbaga, lumala­ngoy ka sa masarap na buhay.

Ang panaginip mo ay nagsasabing sa kasaluku­yan ay naghihirap ka kung saan halos hindi mo mapagkasya ang pera mo na mas madalas ay kulang pa sa iyong pang-araw-araw na pangangaila­ngan.

Ang ganitong kalaga­yan kapag nararanasan ng tao, siya ay awtomati­kong nananalangin ng totohanan at taimtim na dumaraing sa langit. Dahil dito, siya ay pinaki­kinggan ng langit. Mahi­rap itong paniwalaan da­hil marami ang magtataas ng kilay, lalo na sa hanay ng mga mahihirap dahil ayon sa kanila, ang langit ay bingi sa kanilang mga hinaing.

Pero, ang totoo, mali ang pamamaraan ng kani­lang pagdarasal dahil ang kanilang mga salitang ginagamit ay kinakitaan ng paninisi sa nasa itaas at ang iba pa nga ay sinasabing siya ay mabuti at walang ginagawang masa­ma, hindi tulad ng kanilang kakilala na wa­lang ginawa sa kapwa kundi ang magya­bang. ‘Yung iba, parang sinisi­raan pa ang kapwa nila at sila lang ang mabuti.

Ang pinakamarami ay ang nagsasalita ng “Lord, masunod nawa ang kalo­oban Mo at hindi ang kalooban ko.” Tapos, galit pa sa langit kapag hindi nasunod ang kanyang hiniling, eh, napakalinaw naman ng kanyang panalangin kung saan ang kalooban ni God ang dapat masunod at hindi ang kanya.

‘Yun ang samu’t saring problema ng tao sa kani­lang panalangin na ayon sa pana­ginip, ikaw ay natag­puang tulad ng maamong tupa kung saan habang ikaw ay nanana­langin ay nagpasya ang nasa itaas na tapusin na ang iyong paghihirap at ikaw ay makararanas ng kasa­ganahan at kaginha­wahan sa buhay.

Hanggang sa muli, Professor Seigusmundo del Mundo