Sama-sama sa movie… EMPOY, KA-LEVEL NA SINA AGA, PIOLO AT DANIEL

Len Ramos Llanes / ISKUP

BONGGA pala ang taong 2019 ng komedyanteng si Empoy Marquez. He is slated to do a film together with Alessandra de Rossi ngayong April at May at sa Paris, France pa ito kukunan.

Said movie is produced by Spring Films and to be directed by Ed Lejano.

May second film din for this year na gagawin si Empoy. At mantakin mong magiging ka-level na siya nina Aga Muhlach, Piolo Pascual at Daniel Padilla sa susunod na film niya? Makakasama niya ang tatlong sikat na actors of different generations.

Hindi kaya lumobo ang ulo ng komedyante lalo na’t sa Amsterdam pa kukunan ang nasabing pelikula?

At bukod diyan, balitang may gaga­win pa siyang isang bagong teleserye.

Ito ang sinasabing “When it rains, it pours!”

Ang saya nga ng ko­medyanteng aktor dahil kasama siya sa nasabing proyekto at naniniwala rin siya na lelebel ang ka­gu­­wapuhan niya sa mga nabanggit na Kapamilya leading men.

Sobrang blessed talaga ni Empoy at ang dahilan daw, sabi ng taga-Cornerstone Entertainment, “Kasi mabait siya sa lahat, pamilya, kaibigan at maski hindi kakilala, tinutulungan,”

At dahil abala ang komedyante, wala rin siyang love life tulad ni Coco Martin na tila itinali na ang buhay sa FPJ’s Ang Probinsyano.