Ito rin ‘yung panahon kung kailan ginanap ang Bataan Death March... 5 THINGS NA MAY KINALAMAN SA AR

ARAW ng Kagiti­ngan ngayon o kilala rin bilang Bataan Day, kaya naman para sa mga beshy natin diyan na hindi masyadong na­ka­pag-aaral ng ka­saysayan dahil sa modernong pana­hon at madalas na nakatutok sa cell­phone at social me­dia, ala­min natin ang mga bagay na may kina­laman sa Araw ng Kagitingan, Ba­taan Day o Day of Valor:

1. BATAAN DAY. Bukod sa tinatawag itong Araw ng Kagitingan, knows ba ninyo na ito rin ang araw kung kailan nangyari ang “the fall of Bataan”? Kung saan nang­yari ang World War II. Dahil dito, tuwing Abril 9, ikinokonsiderang da­lawa ang ating ipinagdiri­wang.

2. MT. SAMAT. Ito ang malaking krus o tina­tawag ding Dambana ng Kagitingan na ipinagawa ni dating Pangulong Fer­dinand Marcos noong 1966 upang mag­silbing lugar para alala­hanin kung paano ipinag­laban at ipagtanggol ng mga sun­dalong Pilipino ang Ba­taan laban sa mga Hapon, gayundin mayroong mu­seo rito kung saan ma­kikita ang Battle of Bataan at Death March.

3. MAYWOOD, IL­LINOIS, USA. Bukod sa Pilipinas, alam ba ninyo na ipinagdiriwang din ang Araw ng Kagitingan sa Maywood, Illinois, USA?

Ito ay dahil ito ang hometown ng ilang mi­yembro ng 192nd Tank Battalion, USA. Pero, ipi­nagdiriwang nila ito tu­wing ikalawang Linggo ng Setyembre. Woah!

4. 58 YEARS. Noong 1961, ipinasa ng Kongre­so ang Republic Act 3022 na nagdedeklara na ang Abril 9 ay kinikilala bilang Bataan Day, samantalang, noong 1987, sa Executive Order 203 kung saan ini-revised ang lahat ng na­tional holi­days sa bansa, ang Abril 9 ay k­i­nikilala na bilang “Araw ng Ka­giti­ngan”.

Sa ngayon, 58 taon na nating ipi­nagdiriwang ang Araw ng Kagiti­ngan o Bataan Day kung saan idinek­lara itong non-wor­king ho­liday, kaya karami­han sa mga emple­yado ay wa­lang pasok.

Gusto n’yo, ‘yun?

5. DEATH MARCH. Kasa­bay ng “the fall of Bataan”, nangyari ang sa­pilitang paglalakad nang mahigit 70,000 Ameri­can at Filipino soldiers kung saan 90 hanggang 112 kilometro silang pinag­la­kad sa initan mula Bagac, Bataan hanggang Capas, Tarlac.

Dagdag pa rito, ma­rami ang nakaranas ng sakit, kapaguran at pisikal na pang-aabuso, kaya ito pinangalanang Bataan Death March.

Oh, ayan, mga beshy, marahil hindi natin ma­papantayan ang hirap na pinagdaanan ng mga Pi­lipinong sundalo sa ka­may ng mga Hapon, pero bilang respeto sa ma­ma­mayang Pilipino, pilitin nating maging bayani sa sarili nating pamamaraan kung saan kahit sa sim­pleng bagay ay tulungan natin ang bayan nang sa gayun ay hindi ito tulu­yang maghirap at mapa­ba­yaan.