TRACKSTERS FIL-FOREIGN CRAY AT KNOTT SA ASIAN ATHLETICS

MAKARAAN ang ma­tagumpay na kampanya sa katatapos na Singapore Open Athletics, muli na­mang mapalalaban sina Filipino-Americans Eric Shauwn Cray at Kristina Knott kasa­ma ang home grown talents sa mga bigatin sa prestihiyo­song Asian Athletics Cham­pionship na aarangkada sa Abril 21 sa Qatar.

Mataas ang morale sa panalo nila sa Singapore, ma­kikipagsabayan sina Cray at Knott at ang mga SEA Games-bound na mga Pinoy sa mga kalabang ga­ling sa mahigit 40 na bansa sa torneong “The Olympic of Athletics in Asia” sa li­mang araw na event na may basbas ng Asian Athle­tics As­sociation na pinamu­mu­nuan ni Gen. Dahlan ng Kuwait kung saan si PATA­FA president Philip E. Juico ang nahalal na vice president sa ginawang eleksiyon sa China.

Kalahok din ang mga bansa sa Asia-Pacific, ang Papua New Guinea, Maria­nas Island, Solomon Island, Micronesia at Maldives. Trinangkuhan ni Cray ang kanyang team sa 4x100m relay at dinomina ni Knott ang 200m sa Singapore Open kung saan nanalo ang 29-anyos El Paso Texas-based na si Cray ng dala­wang ginto sa 100m at 200m at tinanghal bilang “King of Sprint” sa 2015 SEA Games matapos ma­ma­yani sa fo­reign-flavoured National Open sa Ilagan, Isabela.