Pahiwatig na ibaon na sa limot ang hindi magagandang karanasan

Socrates Magnus

Salaminin natin ang panaginip ni Jag ng Jag_ Lacton_Dela_Cruz@face-book.com

Dear Professor,

Palagi akong naka­kikita ng kabaong, pero hindi ko alam kung sino ang nasa loob nito.

Ilang ulit ko na itong napanaginipan. Ano ang ibig sabihin nito?

Dagdag pa rito, totoo ba na kapag nanaginip ka ng bata na umiiyak, may mamatay daw sa pa­milya?

Naghihintay,

Jag

Sa iyo Jag,

Kapag ang napana­ginipan mo ay kabaong, ang na­naginip ay dapat su­riin ang kanyang sariling bu­hay at alamin kung may kailangan siyang ibaon sa limot.

Napansin mo ba, Jag, ang salitang “ibaon”? Ito ang nagpapaalala sa na­naginip na muli niyang ibaon sa limot ang pang­yayari na kadalasan ay hin­di magagandang kara­nasan.

Ang mga yumao ay inilalagay sa kabaong, hindi ba? Napansin mo ba ang salitang “yumao”, ibig sabihin, aalis na, ma­wa­wala at hindi na makikita pa. Ito rin ay nagsasabing ang yumao, tao, bagay o pangyayari ay dapat ng ha­yaang umalis.

Ang ganitong katoto­hanan ay para sa pag-a­analisa ng mga panaginip tungkol sa kabaong.

Pero, ang mahalaga sa panaginip ay ang ayon sa iyo na ilang ulit mo na itong napanaginipan na ang gustong bigyang-diin ay wala namang aktuwal na namatay, kaya ang ka­baong sa panaginip mo ay object of dreams lang naman.

Ang panaginip na may umiiyak na bata ay hindi agad-agad nangangahulu­gang may mamamatay. Ma­aaring minsan, nagka­taong may nanaginip na umiiyak ang bata at may namatay sa pamilya ng bata.

Mas magandang ang bata mismo ay obserba­han dahil maaaring siya o ang bata ay may sakit o karam­daman at ang isa pang mabuting gawin ay ang patingnan siya sa tunay na doktor kung ano ang ka­lagayan ng kanyang kalu­sugan o katawan.

Hanggang sa muli, Professor Seigusmundo del Mundo