Malinaw ayon sa birthday... BINATANG NAKATAKDANG MAPANGASAWA ANG KASALUKUYANG GF

Maestro Honorio Ong

Dear Maestro,

May girlfriend ako nga­yon na tawagin na lang nating Mikaela na isini­lang noong November 8, 1991 habang June 29, 1990 naman ang birthday ko.

Itatanong ko kung siya na ba ang makatutuluyan ko at kung compatible ba kami? Kung kami na ang mag­kakatuluyan, magi­ging maligaya kaya at ma­unlad ang aming itata­yong pa­milya? Gusto ko ring hu­mingi ng masusu­werteng numero dahil ma­dalas din akong tumataya sa lotto.

Umaasa,

Darius ng Bagumbayan, Taguig City

Dear Darius,

Ayon sa zodiac sign mong Cancer, tunay ngang compatible kayo ni Mikaela na isinilang sa zodiac sign na Scorpio sapagkat ang Scor­pio at Cancer ay may iisang tinataglay na elemento — ang elementong water o tubig.

Habang, ang birth date na 8 ni Mikaela na strong num­ber ay nagkataong tugma rin sa weak number mo na 29 o 2 (2+9=11/ 1+1=2).

Ibig sa­bihin, sadyang tugma ta­laga kayo sa pag-aanalisang pang-Nume­ro­logy at Astrology na nanga­ngahulugang darating ang saktong panahon na kayo na nga ang magkakatu­luyan.

Samantala, bukod sa numero mong 29 at sa nu­mero ng girlfriend mong si Mikaela na 8, mapalad din kayo sa mga numerong may sumatutal na 1, 2, 7 at 8 tulad ng 1, 10, 19, 28, 11, 20, 29, 38, 16, 25, 34, 43, 17, 26, 35 at 44. Puwede rin ninyong subukan ang mga numerong 1, 18, 23, 27, 34 at 40, ga­yundin ang 6, 17, 22, 31, 38 at 42. Maaari ka ring hu­mu­got ng kumbinasyon mula sa Quabbalistic of Numbers: 1732, 1472, 1643 at 9081.

Upang masigurado ang malaking panalo, maghanap kayo ng lotto outlet na ma­lapit sa tindahan ng mineral water o anumang produk­tong likido.

Puwede rin ‘yung lotto outlet na malapit sa tindahan ng mga gulay o kaya naman ay lotto outlet na may ba­baeng teller na naka-red at may mahabang buhok. Ang nasabing lotto out­let ang mag­papatama sa inyo ng malaking halaga, sa taong 2021, sa edad mong 31 pa­taas.