Showbiz, nilayasan… CHIN-CHIN, MADRE NA

Beth Gelena / BULGARY FILES

ANG dating sikat at mahu­say na aktres nu’ng ‘90s na si Chin-Chin Gutierrez ay isa na palang ganap na madre.

Nag-retire siya sa showbiz nu’ng 2010. Pero nu’ng active pa siya ay kaliwa’t kanan ang mga proyektong kanyang ginagawa dahil isa siya sa mga de-kalibreng aktres na hindi matatawa­ran ang pag-arte.

Naiba ang kanyang mundo nang maging environmentalist siya at resource speaker.

Kalaunan ay iniwan ni Chin-Chin ang magulong buhay sa industriya na kan­yang ginagalawan. Isa na siya ngayong Franciscan nun sa Carmelite Convent.