Kahit pinuntahan daw ng BF sa Baguio… POLO, BILIB NA BILIB NA VIRGIN PA SI KIRAY

Vinia Vivar / FRANKLY SPEAKING

NATUWA at na-excite si Polo Ravales nang i-offer sa kanya ang pelikulang Portrait of My Love at malamang si Kiray Celis ang makakapareha niya.

Aniya ay sobrang funny kasi ni Kiray bukod pa sa magaling na ko­medyana at first time raw niyang mai­pa-partner sa isang comedienne.

Sa set nga raw ay pa­rati silang nagku­kulitan at nagtatawa­nan.

“Parati niyang hi­naha­wakan ang chest ko,” ku­wen­to ni Polo nang ma­ka­tsikahan namin sa premiere night ng movie.

“Naaaliw siya, mas ma­­laki raw ang chest ko sa kanya, so, tu­wang-tuwa siya.”

When asked kung may possibility bang magus­tuhan niya si Kiray, sabi ni Polo, “Bakit naman hindi, mabait naman si Kiray? Nakakatawa siya, no dull moment with her, so why not?”

Pero ang alam ni Polo ay may boyfriend si Kiray na inaamin na rin naman ng komedyana sa mga interviews. Minsan daw ay dumalaw ang guy sa shooting nila sa Baguio pero hindi niya nakita.

Pabirong natanong si Polo kung nararamdaman ba niyang may ma­lisya ang paghawak ni Kiray sa dibdib niya, at ayon sa aktor ay wala naman.

“Saka, ang alam ko, virgin pa ‘yung tao, eh. Sabi niya,” sambit ni Polo.

Dalagang Pilipina naman daw ang pagkakakilala niya kay Kiray kaya naniniwala naman siyang virgin pa ito kahit may BF ito.

“Parati niyang kasama ‘yung mommy niya, ‘yung family niya, so I think, walang ano. Gusto niya kasi, kasal muna. Hayaan natin ‘yung gusto niya,” he said.

Ang Portrait of My Love ay produced ng RJ7 Films.