Ka-tie ng KathNiel sa award… VICE, NO SHOW SA AWARDS NIGHT
May mga nababasa akong comments na nalulungkot ako, hindi lang para sa akin kundi para sa maraming tao na hanggang ngayon, sa panahon na ito ay ganu’n, ang sad for them.
“Hopefully, masaya lang ang lahat para sa isa’t isa. Ganu’n talaga ang buhay. Actually, I feel bad for us, pero mas nalulungkot ako para sa kanila, sa hate at sa mga bagay na ‘di nila naiintindihan,” ang naging mahabang pahayag ni Vice Ganda tungkol sa naging mensahe niya nu’ng nakaraang birthday celebration niya sa It’s Showtime last Saturday.
Matatandaang sa naturang episode ng It’s Showtime, ang naging birthday wish ni Vice ay maging masaya na lang ang mga tao at tanggapin ang taong mamahalin niya at nagmamahal sa kanya at tigilan na ang pamba-bash sa kanila.
‘Di man pangalanan ang bagong boyfriend ni Vice, matunog na si Ion Perez o mas kilala bilang Kuya Escort sa It’s Showtime ang bagong inspirasyon ngayon ng tv host-comedian.
Lalo pang tumibay ang espekulasyon ng iba nang sa Gandang Gabi Vice birthday celebration ni Vice nu’ng nakaraang Linggo ay naging surprise guest niya sina Jackque at Ion at nabanggit ni Kuya Escort na kung may pinakakinatatakutan man siya, ‘yun ay ang mawala ang kung ano’ng meron sila ni Vice at espesyal ito para sa kanya.
Samantala, ‘di nakadalo si Vice sa katatapos na 50th Guillermo Mendoza Memorial Scholarship Foundation Box Office Entertainment Awards Night kung saan tinanghal siya bilang Phenomenal Box Office Star para sa pelikulang Fantastica at ka-tie sina Kathryn Bernardo at Daniel Padilla.
Paliwanag ni Vice, may ganap siya nang araw na ‘yun pero labis ang pasasalamat niya sa karangalang ilang taon na ring ipinagkakaloob sa kanya ng pamunuan ng Guillermo.
Comments