Caretaker todas sa mga armado

CAGAYAN—Isang caretaker ang napatay nang barilin ng mga hindi kilalang armadong salarin, kamakalawa sa Bgy. Mabini, Baggao sa lalawigang ito.

Kinilala ang biktima na si Gaby Agunoy, caretaker ng Rubber Tree Plantation sa nabanggit na barangay.

Nabatid na habang nakatayo si Agunoy ay biglang sumulpot ang mga suspek at agad pinagbabaril hanggang sa mapatay ang biktima.

Iniimbestigahan na ng pulisya ang motibo ng mga suspek sa pamamaslang sa biktima.