Sa mga natotorete riyan dahil sa dami ng kumpanyang ina-apply-an... TIPS PARA SA PAGPILI NG KUMPANYA

UNA sa lahat, maligayang pagtatapos sa mga mag-aaral na nalampasan ang malaking kabanata ng kanilang buhay. Sa pagtatapos ng kabanatang ito, siguradong may bagong pa­nimula — ang adulting chapter.

For sure, marami na riyan ang na­katatanggap na ng mga job offer mula sa iba’t ibang kumpanya kung saan na­hihirapan silang pu­mili ng tatanggapin dahil hindi pa nila alam kung ano ang dapat nilang maging basehan sa pamimili. Don’t worry dahil we got you, lodi!

Narito ang mga ba­gay na dapat ikon­si­dera sa pagpili ng kum­panyang pagta­tra­ba­huhan:

1. MODE OF TRANSPORTA­TION. Dahil sobrang hirap nang mag-commute ngayon, mabu­ting pag-isipan kung kakayanin mo ang araw-araw na pagsabak dito. Kung sa biyahe pa lang papunta sa opisina, eh, ubos na ang iyong energy, paano ka ma­kapagta­trabaho nang maayos niyan? Hmmm…

2. SALARY-WORTHINESS. May mga kumpanya na nagpapasuweldo nang angkop sa workload ng emple­yado, ngunit, mayroon ding kumpanya na nagbibigay ng halos dobleng work­load, pero hindi napasusuweldo nang tama ang empleyado.

Kung nakasaad sa kontrata na posib­leng madagdagan ang iyong workload, siguraduhin mong hindi ka lugi at ma­ba­bayaran ka nang tama. Okie?

3. COMPANY CULTURE. Baga­ma’t, kaya nating magtrabaho sa kum­panya na hindi ‘fit’ ang culture sa per­sonalidad o nakasanayan natin, hindi umano ito dahilan para pumasok sa kumpanya na hindi ka isandaang porsi­yentong komportable.

Bukod pa rito, mas madalas kang nasa trabaho at kung hindi mo maka­susundo ang mga taong nakapaligid sa iyo, hindi ito nakatutulong sa pagka­karoon mo ng peace of mind.

4. VACATION POLICY. Hindi por­ke magtatrabaho ka na, eh, du’n mo igu­gugol ang lahat ng oras mo. Kaya kung mahilig ka ring mag-travel, besh, isa ito sa mga bagay na dapat mong ikonsidera dahil ‘ika nga nila, kailangan mo ring mag-enjoy paminsan-minsan nang sa gayun ay ma-refresh ang iyong isipan.

5. CAREER ADVANCEMENT OPPORTUNITIES. Bago tanggapin ang job offer, mabuting alamin ang back­ground ng kumpanya at dahil hindi mo alam ang mga puwedeng mangyari sa iyong career, mabuting piliin ang kum­panya na mayroong magandang repu­tasyon o background.

Kapag dumating ang pagkakataon na mag-a-apply ka sa ibang kumpanya, siguradong plus points ito kaagad.

Remember, huwag magpadalus-da­los sa pagdedesisyon, partikular sa pag­pili ng trabaho nang sa gayun ay hindi ka magsisi paglipas ng panahon. Sana ay makatulong ang mga bagay na ito sa simula ng bagong kabanata ng buhay na inyong tatahakin.

Gets mo?