Alamin mula kay Señor... katotohanan tungkol sa pagpapalagay ng salitang sator mula sa orasyon

Sr. Socrates Magnus II

Bigyang-daan natin ngayon ang pagpa­pa­tuloy sa pagtalakay sa pinakasikat na orasyon na Sator Arepo Tenet Opera Rotas.

Tulad ng nasabi na, ito ang pinakasikat sa lahat ng mga orasyon. Pinanini­wa­laan na ang orasyong ito ay nagbibigay ng proteksiyon at kaligtasan sa sinumang gagamit.

Sa ating kasaysayan dito sa bansa, ang Sator Arepo Tenet Opera Rotas ay gina­mit ng mga beterano o sun­dalong Pilipino laban sa mga mananakop — Kastila, Ame­rikano at Hapon.

Kahit ang mga itinuring na mga rebelde ay guma­gamit ng mga ito, lalo na ang mga tinawag na mga hukba­lahap o mga makabayan sa Gitnang Luzon.

Gayunman, ang bawat salita sa Sator Arepo Tenet Opera Rotas ay nasa bawat medalyon at mga bagay na tulad ng tela o anumang per­sonal na gamit ng nananam­palataya sa Sator.

Obligado ring banggitin ang mismong orasyon para sa pagpapalabas ng sagad na kapangyarihan.

Ang nakagugulat ay ka­hit ang mga sinasabing kri­minal na nasa kulungan at maging ang mga nasa labas ay nananampalataya rin sa Sator kung saan marami sa kanila ang nagpa-tattoo sa kanilang katawan.

Samantala, ang mga ka­laban ng mga kriminal at ang mga huma-hunting sa kanila na mga sinasabing ala­mat na ang pangalan na ka­laban ng mga kriminal ay na­nanampalataya rin sa Sator.

Hindi lang sa tao gina­gamit ang Sator, kumbaga, puwede rin ito sa bahay at hindi lang ‘yan dahil ang mga kulto ay nananam­pa­lataya rin sa Sator Arepo Tenet Opera Rotas.

(Itutuloy)