For sure, relate ang mga may long distance relationship diyan.. 8 THINGS NA PUWEDENG GAWIN KAPAG MAY

No Problem

ANG hirap kapag may nami-miss ka, tapos, wala kang ma­gawa kundi ang tiisin ito. ‘Yung tipong kahit anong gawin mo, eh, hindi mo siya makita dahil malayo o kaya ay walang time. Hay, buhay! Kaya naman para sa mga tropa natin di­yan na nami-miss si baby, babe, babs, love at iba pa, narito ang ilang mga bagay na puwede ninyong gawin para maibsan ang inyong pagka-miss sa kanila:

1. GO OUT WITH YOUR FRIENDS. Kung makakasama mo ang iyong mga kaibi­gan, tiyak na kahit papa­ano ay mawawala ang lungkot na iyong nara­ram­daman.​

Make sure lang na ‘yung mga kaibigan na inyong sasamahan ay mababait at hindi masa­mang ehem­plo sa inyo. Copy?

2. EXPRESS YOUR­SELF AND ACCEPT UNPLEASANT FEEL­INGS. Kung ma­lungkot ka, besh, oks lang ‘yan. Sabi nga nila, normal lang naman ang makaramdam ng mga ganyan dahil tao tayo, nasasaktan at nag­ma­­mahal! Wow, drama!

3. DO SOME­THING NEW FOR YOURSELF. Habang busy ang inyong mga mahal sa buhay, gu­ma­wa kayo ng mga bagay na bago lang sa inyong buhay para kapag nag­kita o nakapag-usap kayo, eh, may bago ka­yong maiku­kuwento.

4. MAKE SURE YOU WILL COM­MUNICATE. Siyem­pre, bukod sa pag­gawa ng mga bagay na maka­tutulong para ma­wala ang inyong pagka-miss, importante pa rin na makapag-uusap kayo ng taong nami-miss mo nang sa gayun ay hindi kayo mawalan ng gana o feelings sa isa’t isa.

Para ito sa mga may long distance relation­ship diyan, ha? Hi-hi-hi!

5. SLEEP. Bukod sa nakapagpapahinga ka­pag natutulog, sa pa­raang ito rin natin naka­lilimutan ang mga ba­gay na ating pinoprob­lema o nararam­daman, kaya tulug-tulog din ‘pag may time!

6. WRITE IN YOUR DIARY. Mag­sulat kung hindi na ta­laga matiis ang nararam­daman, dito ma­aari mong ilabas ang iyong saloobin o gustong iku­wento. Oh, ‘di ba, bong­ga?

7. EXERCISE. Rito mo ibuhos ang lakas mo, besh! For sure, marami kang magagawa kapag walang time sa iyo ang dyowa mo, pero oks lang ‘yun para ‘pag nag­­kita na kayo ulit hindi ka na chubby. Naks!

8. TRY REPLA­CING NEGA­TIVE THOUGHTS WITH POSI­TIVE ONES. Iwasan ang pag-iisip ng mga ne­gatibo dahil dito nagsi­simula ang away, lalo na kung na­hihirapan kayong mag­kita, araw-araw.

Oh, ayan, make sure na su­sundin ninyo ang mga bagay na ito nang sa ga­yun ka­hit papaano ay ma­so­lusyu­nan ninyo ang inyong nararam­da­man.

Sa totoo lang, ma­hirap talaga, pero, ‘ika nga ng iba, tiis-tiis lang dahil da­rating din ‘yung time na magkakasama na kayo, forever! Yiiee! Gets mo?