Malinaw ayon sa palad... SINGLE-MOM NA NAKATAKDANG MAKAPUNTA NG JAPAN

Maestro Honorio Ong

KATANUNGAN

1. Ako ay dalagang ina, ‘yung anak ko ay babae, two years old. Sa nga­yon ay may kaibi­gan ako sa Japan at siya ang tumu­tulong sa akin ngayon. Bukod sa pinansi­yal na padala niya, tinu­tulungan din niya akong makapag-abroad, kaya ngayon ay nag-aayos na ako ng mga papeles ko.

2. May schedule na rin akong interview sa Japan Embassy, kaya gusto kong malaman kung matutu­loy kaya ang pagdya-Ja­pan ko?

3. Sa pag-ibig naman, sa palagay ninyo sa edad kong 33 ngayon, makata­tagpo kaya ako ng pang­habambuhay na makaka­sama o mapapangasawa kahit na may anak na ako sa pagkadalaga?

4. Kung makatatagpo pa ako, kailan kaya da­rating ang lalaking ito at sino at saan ko kaya siya makikilala?

KASAGUTAN

1. Siguradong maka­pag-a-abroad ka, hindi lang isang beses kundi maraming beses, ito ang nais sabihin ng mala­wak at mahabang Tra­vel Line (Drawing A. at B. t-t arrow a.) sa kaliwa at ka­nan mong palad. Tanda na hindi matatapos ang 2019, sa san­daling ma-interview ka na sa Japan Embassy, ka­sunod ka­agad nito ang mabunga at mabiyayang pangingibang-bansa sa tu­long ng iyong ka­ibigang Hapon, lalo na kung siya ay isinilang sa petsang 14 o kaya ay 23, walang pagsa­lang compatible kayo at sa ban­dang huli, maaaring ang Hapon na ito na tumu­tulong sa iyo ang siya mo na ring mapapangasawa at ma­ka­ka­sama sa pagbuo ng ma­ligaya at panghabambuhay na pa­milya.

2. Samantala, ang magu­long Heart Line (Drawing A. at B. h-h arrow b.) sa simula hanggang gitnang bahagi ay nagsabing, bagama’t, ma­gulung-ma­gulo ang love life mo, pagtun­tong sa edad 32 pa­taas, tulad ng nasabi na, sak­tong 33 na ang edad mo nga­yon, pagan­da na nang pa­ganda ang magi­ging ka­ranasan mo sa larangan ng pag-ibig at paki­ki­­pagrelas­yon.

3. Tulad ng nasabi na dahil 33 na ang edad mo sa kasalukuyan, malamang, nga­yong panahong ito mo na ma­tatagpuan ang lalaking mag­papaligaya sa iyo at maka­kasama mo sa pagbuo ng ma­ligaya at pang­habam­buhay na pamilya na malaki ang posibilidad na ang kaibi­gan mo na ngang Ha­pon ang nasabing lalaki.

DAPAT GAWIN

Habang, ayon sa iyong mga datos, Jen, ngayong 2019, sa edad mong 33 pa­taas, may mabunga at mabi­yayang pangingibang-ban­sang itatala sa iyong kapa­laran at maaaring tulad ng inaasahan, sa edad mong 33 pataas, kahit sabihin pang single-mom ka, makatatagpo ka na rin ng lalaking maka­kasama mo at magmamahal sa iyo, habambuhay na nag­tataglay ng zodiac sign na Gemini, (Drawing A. at B. h-h arrow d. at 1-M arrow c.), kaya kung Gemini ang zodiac sign ng kaibigan mong Hapon, walang duda, siya na ang makakasama mo sa pagbuo ng maligaya at pang­habambuhay na pamilya na maaaring maganap sa Japan.