Hinulaan na malapit ng mag-asawa

Socrates Magnus

Salaminin natin ang panaginip ni Lyn ang Ma­lene_Mana@face­book.com

Dear Professor,

Ang sabi ng manghu­hula, malapit na raw akong mag-asawa, tapos, nandu’n si mama naki­kinig lang siya.

Ano ang ibig sabihin nito?

Naghihintay,

Lyn

Sa iyo Lyn,

Masasalamin sa pana­ginip mo na gusto mo ng mag-asawa, pero wala ka pang boyfriend o karelas­yon ngayon.

Ito ang katotohanang inilalantad ng iyong pana­ginip kaya kailangan mo ring malaman ang ilang katotohanan na may kaug­nayan sa pag-aasawa.

Kapag ang pag-aasawa ay dahil lang sa gusto mong takasan ang hirap ng bu­hay, ang marriage ay maa­aring hindi magtagal.

Kapag ang dahilan ng pag-aasawa ay dahil lang nauubusan na ng panahon o nagkakaedad na, hindi magtatagal at ang mar­riage life ay hindi rin ma­giging maganda.

Kapag ang pag-aasawa ay dikta lang ng mga ma­gulang, pagtataksil ang ibinabalita sa hinaharap.

Dahil ang pag-aasawa ay dapat tungkol sa pag­mamahalan ng dalawang magsasama. Kung walang love sa pag-aasawa, huwag na lang.

Kaya ang payo ay nag­sasabing, kung may mahal ka, subukan mong maging kayo at kapag siya ay may pagtingin din sa iyo, ma­katitiyak ka na ikaw ay li­ligaya.

Muli, ang marriage na walang love ay walang pa­tutunguhang maganda, masisira lang ang buhay at hindi rin magiging ma­ganda ang mabubuong pamilya.

Hanggang sa muli, Professor Seigusmundo del Mundo