Malinaw ayon sa birthday... BABAENG NAKATAKDANG MAKAPAGBAYAD NG MGA UTANG

Maestro Honorio Ong

Dear Maestro,

Isinilang ako noong November 13, 1978. Madalas akong makipagsapalaran sa lotto, pero hanggang ngayon ay hindi pa rin ako nananalo.

Hihingi rin sana ako sa inyo ng masusuwerteng numero.

Kailangang-kailangan ko kasi ang malaking halaga ng salapi dahil baon ako sa utang ngayon, lalo na sa credit card at malapit na akong made­manda at iniisip ko na ring magtago at mag­pa­kalayu-layo dahil may iba pa akong mga pinagkakautangan.

Umaasa,

Wilma ng San Isidro, Galas, Quezon City

Dear Wilma,

Ayon sa birth date mong 13 o 4, (ang 4 ay 1+3=4) sa destiny number na nagkataong 4 din (11+ 13+1978=2002/ 20+02=22/ 2+22=4), ikaw ay likas na mapalad sa lahat ng mga numero na may sumatutal na 1, 4 at 7 tulad ng 1, 10, 19, 28, 37, 16, 15, 34, 43, 13, 22, 31, 40, 49 at iba pang kauri nito.

Bukod sa nasabing mga numero, suwerte ka rin sa kulay dilaw at pula. Ang dilaw ay para sa birth date at des­tiny number mong 4 habang ang pula naman ay para sa zodiac sign mong Scorpio na may ruling planet na Mars.

Palagi kang magsuot ng nasabing mga kulay sa tuwing makikipagsa­palaran ka upang mas madali mong mahigop ang suwerte at magagandang kapalaran.

Ang pinakamapalad mo namang panahon ay mula sa ika-20 ng Hunyo hanggang sa ika-25 ng Hulyo, mula sa ika-20 ng Oktubre hanggang sa ika-25 ng Nobyembre at mula sa ika-20 ng Pebrero hanggang sa ika-25 ng Marso.

Magsisilbi namang panghatak ng suwerte at pantaboy na rin ng mga ka­malasan ang batong topaz na ipa­lalamuti sa gintong singsing.

Bukod sa nasabing mga numero sa itaas, puwede mo ring subukan ang mga numerong 1, 18, 23, 27, 31 at 40, gayundin ang mga numerong 7, 15, 26, 28, 32 at 41.

Maaari ka ring humugot ng kum­binasyon mula sa Cabalistic of Knowledge, 182, 642, 449 at 905.

Upang makasigurado ka ng malaking panalo, maghanap ka ng lotto outlet na nakapuwesto malapit sa lumang bahay, maaaring bahay ito noong panahon ng Kastila o Ameri­kano.

Ang nasabing lotto outlet ang magpapatama sa iyo ng malaking halaga ngayong 2019, sa edad mong 41 pataas.