Wanted na Malaysian tiklo
Pabs Hernandez III
Mar 24, 2019
1 min read
AGUSAN DEL NORTE—Isang wanted na Malaysian national ang naaresto ng mga awtoridad, kamakalawa sa bayan ng Tubay sa lalawigang ito.
Ang suspek ay nakilalang si Lee Chai, pansamantalang naninirahan sa nabanggit na bayan.
Nabatid na dinakip ng mga awtoridad si Chai sa bisa ng warrant of arrest na inisyu ng korte kaugnay sa kinasasangkutan nitong kasong human trafficking sa lalawigan.
Hindi naman nanlaban si Chai nang dakpin ito ng mga awtoridad sa naturang lugar.
Comments