'Yung tipong puyat ka na, may diabetes ka pa... PAGPUPUYAT NAKAPAGPAPALAKAS SA PAGKAIN NG MATATA

MAHILIG ka ba sa matatamis na pag­kain, lodi? Naku, siguro dahil ‘yan sa insomnia na narara­nasan mo, in short, hindi ka makatulog sa gabi kaya mada­las ay nakararanas ka ng pagke-crave sa mga pagkaing matatamis. Woah, hala!

Alam nating lahat na ang kakulangan sa tulog ay nakaa­apekto sa enerhiya at mood ng indibidwal, pero, ayon sa mga eksperto, ito rin umano ang sanhi kung bakit tayo nag­ke-crave sa matata­mis na pagkain.

Sa pag-aaral, 51 kalalakihan mula sa Michigan State Uni­ver­sity ang inobser­ba­han ng mga researcher kung saan karamihan sa kanila ay mada­las na ku­ma­kain ng ma­­ta­ta­mis tu­lad ng cake, ice cream, smoothies at mara­mi pang iba, ito ay dahil sila ay na­ka­ra­ranas ng insomnia.

Gayun­man, ayon sa mga dalubhasa, isa sa mga nakapagti-trigger sa tao para kumain ay ang stress na kanilang nara­ram­daman, hindi lamang tungkol sa mga problema sa buhay kundi maging ang simpleng kaku­langan sa tulog dahil maaari rin nitong maapektuhan ang ating taste buds o panlasa.

Ang pag-aaral ay pinangunahan ni Dr. Robin Tucker mula sa Department of Food Science ang Human Nutrition, siya ang nag-analisa at naka­tuklas na totoong may masamang epek­to ang kakula­ngan sa tulog, lalo na sa mga indibidwal na nasa edad 20 pataas.

Kaya na­man ang ma­ipapa­yo niya sa mga taong may insomnia, kung pa­ki­ram­dam ninyo ay hindi na ito normal o kaya ay mas­yado na ka­yong nahi­hilig sa matata­mis na maa­aring magresulta ng diabetes, mainam kung kokonsulta na kayo sa doktor nang sa gayun ay mabig­yan kayo ng paunang lunas para sa inyong sakit.

Sa totoo lang, wala namang masama sa pagkain ng matata­mis dahil kinakaila­ngan din ito ng ating katawan, pero hinay-hinay lang dahil hin­di natin alam kung ano ang malalang maidudulot nito sa ating kalusugan.

Aware naman si­guro tayo na sa pag­kakaroon ng diabetes, maaari tayong mabu­lag, maputulan ng parte ng katawan at marami pang iba.

Kaya bago pa man natin ito pagdaanan, magkaroon na tayo ng kontrol sa ating mga kinakain, araw-araw.

Be sweet but not too much!

Gets mo?